Aruba a VOTA y cayanan tabata druk durante oranan di mainta y tambe atardi. Tur ciudadano a haya e oportunidad di eherce nan derecho di voto.
Algun persona a expresa nan color politico pero mayoria di e ciudadano nan no a expresa esaki e biaha aki. Sigur ta un aña di eleccion diferente y hopi curioso pa Aruba. Tambe pa prome biaha Aruba tin un cantidad di 12 partido cu un plan pa Aruba. un total di 70 urna cu hopi preparacion su tras di directora di Censo. Tambe por bisa cu varios urna tabata basta trankil sin hopi buya. E manera tradicional di vota cu hopi fanfaria no a tuma luga e aña aki, e ta un sentimento curioso unda cu pueblo a scoge di no mustra su color politico, pero cu a haci uzo di nan derecho di voto.
Durante anochi, na momento cu for di Registro Civil y Censo a cuminsa transmiti e prome resultadonan, por a nota un silencio rotundo riba caya, indicando cu pueblo tabata anticipando e resultadonan di un eleccion crucial.
