caribe

Mirando cu entrante prome di januari 2016 Caribe Hulandes lo tin un organisacion Hulandes kende lo duna tur informacion meteorologico, a acerca Marck Oduber director di Departamento Meteorologico Aruba pa puntr’e ki diferencia nos na Aruba lo sinti pa loke ta e cambio aki. El a bisa cu lo no tin cambio pa Aruba. Segun Sr. Oduber: “Aruba ta traha y ta cay bou di Koningklijk Nederlands Meteorologisch Instituut (KNMI) y organisacion mundial di meteorologia caba y ta algo cu a scoge pe despues di e fecha  10-10-10.” Islanan Noord lo sinti e cambio.

Pues  e cooperacion di e organisacion aki ta hopi grandi caba y semper tabatin bon cooperacion unda cu ta yuda cu pronostico pa e islanan den Noord manera Saba, St. Eustatius y Boneiro. Por cierto e islanan aki ta esunnan cu ta bay realmente sinti e cambio unda cu en bes di haya pronostico di tempo di Corsou  manera ta e caso cu Boneiro, Awo nan lo ricibi esaki for di KNMI, Sr. Oduber a splica.

Despues di e fecha 10-10-10, e parti Hulandes BES a cay bou di KNMI, e tempo ey a yega na un areglo pa Corsou ta esun cu ta keda duna e servicio pa motibo di falta di personal. Awo pa otro motibonan ya KNMI no kier sigui cu e colaboracion aki cu Corsou, pues a dicidi pa haci esaki nan mes entrante di prome di januari 2016 manera cu nan a anuncia, Sr. Oduber a termina bisando.