Den un di su ultimo entrevistanan for di e ‘International Space Station’, astronauta Scott Kelly ta bisa cu e atmosfera di planeta tera ta mustra
”masha fragil mes, y nos mester cuminsa pone atencion riba esaki’.
Kelly lo regresa tera den Maart, pero e la papia cu Dr.Sanjay Gupta di CNN via satelite. Durante su estadia den e stacion espacial, Kelly a percura di ta
activo riba social media y comparti su perspectiva unico di e planeta cu e potretnan cu e la tuma. Door di esaki Gupta a puntra Kelly con e lo defini
e condicion di planeta tera si e lo tabata ta un curpa humano.
”Definitivamente tin parti di Asia y Centro America cu bo por mira un cantidad di polucion for di espacio.”, Kelly a bisa. ”Tocante e atmosfera, mirando e for di e perspectiva aki, ja, mi por bisa cu e areanan cu mi a menciona ta mustrami basta enfermo”
E la sigui bisa cu e la ripara cu tin formacion di tormentanan tropical den lugarnan inespera rond di e planeta.
”Ora cu bo mira e atmosfera den su totalidad, mi no lo bisa cu e ta completamente malo, pero definitivamente e ta mustra hopi fragil y nos mester
cuminsa duna atencion na esaki” Kelly ta conta CNN.
Kelly lo regresa riba dia 1 di Maart huntu cu e Cosmonaut Rusiano Mikhail Kornienko, kende a keda cune e ultimo aña riba e ISS despues di a bula bai espacio riba 27 di Maart 2015.
Source: CNN
.jpg "Resultado di test di awa na hotel cu a haci hende malo keto bay den su fase di finalisacion")
