Un grupo di extremista Islamico a uza un bom den un auto na heki di un hotel na Mogadishu. Nan a ataca paden di e hotel pa mas di 14 ora, lagando 26 persona morto. Polis di Somalia a logra mata e atacantenan.

Tres persona di Kenya, tres di Tanzania y dos Mericano, ta algun di esnan cu a fayece, asina Ahmed Madobe, president di e region, a bisa. 56 persona ta herida, incluyendo dos di nacionalidad Chines.

Cuater persona di e grupo al-Shabab a drenta Asasey hotel pa cuminsa cu nan atake na e heki di entrada, pa drenta cu nan arma y cuminsa nan atake. E hotel aki ta conoci pa ta frecuenta pa cantidad di politico, abogado y personal di gobierno.

Rebelde di Somalia, al-Shabab a tuma responsabilidad. E grupo ta conecta cu al-Qaida, cu mayoria di biaha ta uza bom den auto y ta conoci cu nan ta ataca den hotel e ultimo añanan.

Oficial y siguridad pafo di hotel a prohibi periodista pa saca potret of video di e hotel, den algun caso a destrui camara di periodista. Oficial di gobierno a bisa cu no ta dispuesto pa duna entrevista.

Periodista di Canada, Hodan Nalayeh y su casa, Farid Jama Suleiman, a muri den e atake. “Mi ta devasta pa e noticia cu nos ruman Nalayeh y su casa a fayece pa e atake terorista. Un perdida pa nos, nos a perde un bunita spirito den su trabou y con e ta trata persona”, Omar Suleiman, asina un persona cu conoce victima a skirbi riba medio social.

Nalayeh a nace na Somalia na 1976, pero a pasa mayoria di su bida na Canada. El a lanta e compania ‘Integration TV’, un produccion di video internacional riba website pa Somalia y rond mundo. E tabata e prome hende muhe di Somalia doño di media rond di mundo.

 

LEAVE A REPLY

Please enter your comment!
Please enter your name here