Campeonato Heineken Fast Pitch dedica na dos baluarte Jacobo Jansen y Gilbert “Nando” Maduro a continua riba canchanan na Pos Chikito. Den categoria AA e fuerte equipo di Royal Power Tat Fat Home Depot a enfrenta Celebrities, un ekipo cu a titular campeon den Aklas den 2018 y a promove pa AA.
Sinembargo Royal Power a baha hopi duro y a knock out Celebrities 15-0 tras di un no hitter lansa pa Kelvin Silvania. Boxscore final: Royal Power 15 careda, 12 hit, 3 eror y ta laga 5 coredo na base. Celebrities 0 careda, 0 hit, 4 eror y tambe ta laga 5 coredo den circulacion. Miho batiadonan pa Royal Power ta Gregory “Pilin” Krosendijk 2-2 cu 2 careda anota, Edmar “Macho” Tromp 2-2 cu 2 careda anota mas 2 RBI incluyendo un doblete, Jomark Flanegin y Kenny Hart ambos di 3-2 cu 2 RBI y un doblete cada un, Kelvin Silvania , Jair Thompson y Leander Angela tur a bay di 2-1.
Kelvin Silvania ta enfrenta 14 batiado tirando 33 bola y 33 strike pa un total di 66 lansamento y no ta permiti ningun careda tampoco hit ponchando 4 batiado y ta regala 4 base por bola seyando e victoria riba su nomber. Jeremy Geerman ta bay cas cu e derota lansando 98 lansamento permitiendo 15 careda di cual 13 ta limpi tras di 12 hit y ta regala 5 base por bola. Campeonato ta continua dialuna awor pa 8pm na Pos Chikito unda Royal Power ta enfrenta Macuarima Spark Elektra cual ta mustra di ta bay ta un tremendo wega.
