E hoben atleta Wuill Vrolijk hunto cu coach Augustin Dorothal lo ta saliendo pa Africa unda e lo competi den e campeonato mundial di atletismo U18. E evento lo ta e dianan 9 – 16 juli proximo. Wuill lo competi den e disciplina di salto halto mientras su mihor marca ta 2.02m. Mester bisa cu e marca aki ta apenas 4cm leu pa e por clasifica pa e mundial. E atleta Vrolijk tin 17 aña di edad.
E atleta Wuill Vrolijk ta wordo considera un talento grandi na Aruba. E hoben atleta di Aruba a logra hasi un tremendo papel den e recien Carifta Games 2017 cu a tuma lugar na e pais di Corsow. E la logra sobresali den e diferente disicplinanan cu e la eherce. No tin duda cu su motivacion y dedicacion e lo por drenta den e pasonan di nos atleta elite den e deporte di atletismo, Quincy Breell.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di coach Augustin Dorothal cu lo guia e atleta Wuill Vrolijk den e World U18 Championship IAAF na Nairobi, Kenya.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.
