E bolichera local Kamilah Dammers Naddall a biaha pa Merca unda e lo hunga cuater torneo den e liga profesional di bowling. Tur di e 4 torneo nan aki ta parti di e Professional Women’s Bowling Association y esaki ta di 3 aña cu Kamilah ta forma parti di e PWBA. E cuater torneonan lo ta 5-9 juli PWBA St Petersburg – Clearwater Open, 12-16 juli PWBA Rochester Open 26-30 juli PWBA Mixed Doubles y 31 juli – 6 augustus U.S. Womens. E tour completo ta mas of menos 12 pa 13 torneo pero e atleta Dammers cada aña ta purba hunga mas of menos 4 tour stops mirando su trabou na Aruba y otro compromiso nan cu torneo representando nos isla. Durante di e PWBA un grupo grandi di profesional di Merka, LatinoAmerica, Europa y Asia lo ta formando parti di e torneo aki.
Siman pasa ainda, Kamilah Dammers-Naddall hunto cu Thashaina Seraus y Jeadine Luidens a logra gana medaya di Plata pa Aruba den e Weganan Centro Americano y del Caribe di Bowling na Guatemala mientras cu nan a clasifica pa e Weganan CAC 2018 di Barranquilla, Colombia.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e bolichero Kamilah Dammers-Naddall pa e PWBA Tour na Merca
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio
