Dialuna den careda di 8:30 anochi hombernan na pia cu cara tapa y arma a drenta Fafal Mini Market situa na Caya Frere Arnold (Playa).
Nan a pone arma riba e trahado y asina bay cu e caha cu e benta di dia. Un persona cu a mira hombernan ta sali na careda a sigui nan y a mira cu poco panort nan a subi un auto blanco y bandona e sitio. Polis di biaha a presenta na e sitio pa busca informacion y aki a notifica atraco team. Segun ultimo noticia polis tin bista riba un di e atracadonan.
Update:
Sospechoso di atraco arma na Caya Frere Arnold a entrega su mes, polis a haya informacion di e auto cu a bandona e sitio cu e atracadornan a start un investigacion grandi.
Polis a logra haya sa ken ta doño di e auto y tabata un conocido pa Husticia Rashid van der berg. Polis a bay su cas buske pero no a topa cune y pasa di 12 or marduga e sospechoso a para su auto den un caya panort di warda di polis Oranjestad y asina entrega su mes na autoridad. E auto a keda tuma den beslag y tabatin otro number riba esaki no esun cu un testigo a wak dialuna anochi y informa autoridad, e sospechoso el a keda interoga pa sub fiscal di atraco team y hiba pa warda.
