venezolano atraco.jpg

E auto uza den e atraco dialuna mainta riba casino Excelsior y haya na Rooi Santo, ta registra riba nomber di un persona naci na Venezuela. E identidad di e otro 2 sospechoso, polis ainda no por confirma. Polis ainda ta busca e 3 persona.
Prensa Venezolano (Sumarium ta uno) ya a divulga e nombernan di dos atracado envolvi. Banda di Ibarra, nan a publica e nomber Víctor Manuel Valente Albornoz (24). Pero te ainda polis di Aruba no por confirma, manera menciona. Nan a drenta nos isla cu avion, segun prensa Venezolano. For di dialuna caba prensa Venezolano a menciona cu e atracadonan ta di nan pais natal. Pero polis Arubano no kier duna niun informacion riba nan identidad, solamente cu nan tabata papia Spaño durante e atraco.
Te ainda polis no kier bisa nada tampoco riba e suma horta: prensa local a menciona 100.000 florin, prensa Venezolano ta papia di 1 miyon dollar.

Lesa e update oficial di polis aki bou:

 

    Update riba caso di atraco na Excelsior Casino y petición pa cooperación.

 

Cuerpo Policial kier informa lo siguiente relaciona cu e caso di atraco di Excelsior Casinoi.

Riba 26 di oktober 2015 un atraco arma a tuma lugar riba Excelsior Casino. En conekshon cu e atraco aki, Mando Policial a lanta un team special di investigacion.

Durante e investigacion a logra determina cu tres persona masculino di habla Spanjo ta e personanan cu a comete e atraco arma riba e Casino. A resulta cu e atracadornan a bai cu un suma considerabel di placa for di e sitio.

E investigacion preliminar a duna como resultado cu e atracadornan lo a haci uso di entre otro un vehiculo di e marca Hyundai I10 color shinishi cu e matricula

V-2565. E vehiculo en cuestion a wordo laga atras den e vecindario di Rooi Santo.

Haciendo investigacion riba e vehiculo aki a resulta cu e vehiculo ta registra riba e persona:

Carlos Jose Huerta Ibarra, naci na 21 september 1981,  Venezuela. (riba potret)

Ainda e team di investigacion no por confirma cu exactitud e identidad di e otro dos atracadornan.

 

Nos di Cuerpo Policial ta gradici e pueblo Arubano pa cu e cooperashon di e pueblo di Aruba pa cu tur e informacionan cu a drenta den e ultimo dianan aki.

 

Cuerpo Policial kier notifica pueblo cu si acaso nan por tin cualkier informashon riba e suceso pa no actua riba riba nan mes i pase inmediatamente pa Cuerpo Policial. E personanan aki ta sumamente peligroso i no ta descarta cu nan por tin arma di candela riba nan.

 

Encarecidamente nos di Cuerpo Policial ta pidi Pueblo pa si por tin cualkier tip of informacion riba e sucedido aki pa tuma contacto cu e Tiplijn di polis na e number 11141 of tambe riba e number 5273243.

Vocero di Polis

Sub Inspector Jose G. “Lito” Lacle

 

 

 

 

LEAVE A REPLY

Please enter your comment!
Please enter your name here