12meiNG Banco Central.jpg

Den e luna di Maart 2016, e cantidad di placa den circulacion a subi cu Afl. 54,9 miyon te na Afl. 3.899,7 miyon, compara cu e luna anterior, resultando for di un expansion den activo domestico netto di Afl. 81,6 miyon y un bahada den reserva di divisa netto di Afl. 26,8 miyon. E subida den e activo domestico netto a surgi pa un bahada den tanto credito domestico como transaccionnan no relata na credito di Afl. 54,2 miyon y Afl. 27,4 miyon, respectivamente. E ultimo menciona a resulta principalmente pa motibo transaccionnan di clearing, bahada den otro debenan, y un subida den e asina yama “accounts receivables and prepayments”. Credito domestico a subi, principalmente pa motibo di  un subida di Afl. 53,9 miyon den credito bancario netto na e sector publico.

 

Esaki ta debi gran parti na un bahada di Afl. 56,1 miyon den e depositonan di gobierno. Ademas, credito bancario na e sector priva a subi marginal cu Afl. 0,3 miyon. Esaki a resulta for di mas credito na empresa di Afl. 4,6 miyon y mas hipoteca pa vivienda di Afl. 0,5 miyon, cual a wordo pa un gran parti mitiga pa un bahada di Afl. 4,8miyon den credito na consumidor. E bahada den e reserva di divisa netto di e sector bancario ta debi na benta netto di divisa di Afl. 227,8 miyon na publico primordialmente relaciona cu pago pa importacion di mercancia, e asina yama “income account”, otro servicionan, transferencia coriente, e asina yama “financial derivatives”,otro inversionnan, y transferencia netto pa cuentanan den exterior di companianan local. E benta aki a wordo mitiga gran parti pa compra netto di divisa di Afl. 201,0 miyon for di publico principalmente asocia cu entrada for di turismo.

 

Inflacion

E nivel general di prijs, cu ta wordo midi pa e indice di prijs di consumo,a registra un bahada di 1,8 porciento den e luna di Maart 2016,compara cu Maart 2015. E contribuyentenan principal na e bahada aki ta e componente“Vivienda”, cual ta debi primordialmente na un bahada den prijs di electricidad y e componente “Transporte”, cu ta debi na un bahada den prijs di gasolin. Tambe, e componente “Cuminda y Bebida No Alcoholico” y “Recreacion y Cultura” a contribui na e bahada. Di otro banda, e componente  “Restaurant y Hotel” y “Comunicacion” a registra subida. Si exclui e componente di cuminda y energia for di e indice di prijs di consumo, inflacion ta mustra un aumento di 0,2 porciento compara cu Maart 2015.Pa loke ta trata e promedio anual di e tasa di inflacion, esaki a registra cero porciento na Maart 2016 compara cu un crecemento di0,2 porciento na Februari2016.

 

Turismo

Na Maart 2016, e cantidad di turista a registra 109.998 bishitante, cual ta 6,3 porciento (+6.492 bishitante) mas cu na Maart 2015. E expansion den e mercado Latino Americano di 12,2 porciento (+3.779 bishitante) y di Norte Americano di 2,4 porciento (+1.545) a contribui na e crecemento aki. E subida den e mercado Latino Americano ta mas tanto e resultado di un aumento di 2.886 bishitante for di Venezuela. E aumento den e mercado Norte Americano a wordo causa pa un subida di 2.491 bishitante for di Merca. E cantidad di turista crucero a subi cu 58,3 porciento (+35.631 bishitante) te na 96.736 na Maart 2016, compara cu Maart 2015. E cantidad di barconan crucero a subi for di 34 na  Maart 2015 pa48na Maart 2016. 

Gobierno
Tuma nota cu e cifranan di entrada di gobierno no tabata disponibel na momento di publicacion di e relato aki.

 

LEAVE A REPLY

Please enter your comment!
Please enter your name here