Barcelona's head coach Ernesto Valverde reacts during the Spanish Super Cup semifinal soccer match between Barcelona and Atletico Madrid at King Abdullah stadium in Jiddah, Saudi Arabia, Friday, Jan. 10, 2020. (AP Photo/Amr Nabil)

Barcelona a haci un decision di coaching inusual memey di e temporada, reemplasando coach Ernesto Valverde cu ex- manager di Real Betis, Quique Setien ayera.

E movida ta yega cuatro dia despues di e perdida contra Atletico Madrid den semifinal di Super Cup Spaño, un resultado cu a aumenta significativamente e presion riba Valverde.

E club a bisa cu a yega na un acuerdo cu Valverde pa finalisa su contract.

Setien, un Spaño di 61 aña di edad kende tabata un centrocampista pa Atletico Madrid, ta conoci pa set up ekiponan cu hopi biaha tabata imita e estilo enfoca riba atake di Barcelona.

E club a referi na Setien, ken lo ser introduci oficialmente diamars na stadion Camp Nou, ‘un di e coachnan mas experiencia den futbol Spaño’. Su contract ta te cu juni 2022.

Ta prome biaha desde 2003 cu Barcelona a haci un cambio memey di e temporada. Louis van Gaal a bandona e club e januari ey, y desde e tempo ey, otro seis coach a cuminsa nan termino na cuminsamento di temporada.

Valverde tabata encarga di e practica di e team dialuna, cual a tuma luga prome cu e hunta directivo di e club a reuni pa dicidi su destino. Valverde a reuni cu presidente di e club, Josep Bartomeu pa alrededor di un ora prome cu sali di e centro di training di e club.

Su retiro a yega cu Barcelona liderando liga Spaño, y algun siman prome cu enfrenta Napoli den e ronda di 16 di Champions League. Barcelona a empata tres di su ultimo cuatro wega di liga, y presion a aumenta riba Valverde despues cu e team a concede dos gol laat den un perdida 3-2 contra Altetico den Super Cup Spaño na Saudi Arabia.

E lista di posibel reemplaso pa Valverde segun reporte tambe a inclui coach di Tottenham, Mauricio Pochettino y manager di reserva Javier Garcia Pimienta. Tambe manager di Hulanda y ex- strea di Barcelona, Ronald Koeman, maske NOS a reporta cu el a descarta un cambio prome cu e torneo. E contract di Koeman cu KNVB ta valido te cu 2022 y e clausula di salida ta aplica specificamente na Barcelona.

Cantidad di rumor inicialmente a vincula ex- centrocampista di Barcelona, Xavi Hernandez cu e posicion di coach di e club. E club Qatari, Al-Sadd – unda e ta coach actualmente – a bisa cu e club Spaño tabata negociando cu e grandi Spaño. Xavi a bisa cu el a reuni cu director di sport di Barcelona, Eric Abidal diabierna na Doha, pero no a revela e naturalesa di e reunion. El a bisa cu semper el a soña cu algun dia coach Barcelona, pero tabata comprometi na Al-Sadd pa awo.

Valverde, di 55 aña di edad, semper a ricibi critica di algun fanatico di Barcelona. E derota contra Altetico den Super Cup Spaño a agrega na e percepcion cu cantidad di sostenedo tabatin, cu banda di Valverde a desperdicia bentaha contra rivalnan importante.

E tabatin un bon record desde su yegada na 2017, liderando Barcelona na trofeonan consecutivo den Liga Spaño, pero e club tabatin eliminacionnan dificil den Champions League den ultimo dos temporada. Tabata humiya pa Liverpool 4-0 despues di gana e prome parti 3-0 den semifinal ultimo temporada, y e aña anterior a desperdicia un bentaha den prome parti 4-1 contra Roma den cuart final.

Posicion di Valverde tambe tabata den riesgo na fin di ultimo temporada, despues cu Barcelona a perde e final di Copa del Rey contra Valencia.

El a yuda e club gana Copa del Rey na 2017-18, como tambe e Super Cup Spaño di ultimo temporada. Den 163 partido cu Barcelona, el a gana 108, perde 20 y empata 35.

Valverde a ricibi sosten di Lionel Messi y otro hungadonan den e team recientemente. Ex coachnan di Barcelona, Pep Guardiola y Luis Enrique tambe a dun’e sosten, y ex- hungado Andres Iniesta a critica e club Catalan pa e forma con a maneha e situacion, bisando cu Valverde tabata merece mas respet.

Barcelona ta lidera e liga Spaño dilanti di Real Madrid den diferencia di gol. Partidonan di Champions League contra Napoli lo tuma luga dia 25 di februari y 18 di maart proximo. Barcelona no a gana e competencia desde 2015.

E proximo partido di Barcelona ta diadomingo na cas contra Granada den Liga Spaño.

LEAVE A REPLY

Please enter your comment!
Please enter your name here