Bella Hadid riba su rednan social a expone agentenan policial di New York cu no tabata bistiendo mondkapje.

 

E siman aki e modelo a subi caya di e ciudad, na momento cu el a topa algun miembro di departamento di polis di New York. Na e momento ey el a ripara cu ningun di nan tabatin mondkapje bisti, pa loke el a dicidi expone nan riba su cuenta di Instagram.

Den e prome imagen, e modelo a posa dilanti caya cu un tapaboca preto y mirando den direccion di e tres agentenan. “Boso ta mustra kens”, Hadid a skirbi. Ademas el a compaña e potret cu e leyenda: ‘BISTI MONDKAPJE.”

 

Poco despues di e encuentro aki, e modelo a topa otro grupo di agentenan, mas grandi, den cual ningun agente tabata usando mondkapje. Pa e segundo potret, Hadid, di 23 aña di edad, no solamente a posa dilanti di e agentenan, pero ademas a compaña e imagen mustrando su dede na e agentenan cu e mesun frase. Agregando, “Hello NYPD, e mondkapje t’ey pa salud di tur, no djis di bosonan”, el a splica.

 

Segun un mandato di gobierno di ciudad di New York, ta obligatorio pa usa algun tipo di cobertura di cara na momento cu ta convivi cu hende cu no ta biba cu bo, y tambe den luganan cera cu no ta cas di e persona.

LEAVE A REPLY

Please enter your comment!
Please enter your name here