This photo provided by General Motors shows the Cadillac Lyriq. General Motors' Cadillac brand is the latest to roll out an electric vehicle with the promise of taking sales from market leader Tesla. Executives say the Lyriq midsize SUV will have a range of over 300 miles per charge as well as technology and features to pull buyers from Tesla. (GM via AP)

Nos a yega di mira e pelicula aki antes, un vehiculo electrico di fabricante auto convencional cu lo kita benta di e lider di mercado Tesla, pero ehecutivonan di General Motors ta bisa cu e prome vehiculo di Cadillac tin tur e caracteristicanan cu mester pa atrae cumprador unda otro empresanan a keda atras.

 

E Cadillac Lyriq, un SUV tamaño mediano cu ta sali prome for di China y ta yega e salanan di exhibicion di Merca. Pa final di 2022 e lo por core mas di 300 miya cu solamente un carga. E lo bin den configuracion cu traccion patras y riba tur wiel, diseño elegante, interior di prome calidad, acceso riba internet, un pantaya di 33 pulgada y ta cuminsando cu e prijs mas abao cual ta 75.000 dollar.” Pa e presentacion di e producto, cierto di e medidanan, nan ta sinti cu lo cay cortico,” Steve Article, GM su presidente Norteamericano a bisa, ken tabata a cargo di e marca Cadillac antes.

 

GM tabata di introduci un “show car” di Lyriq diaranson anochi di cual e ehecutivonan a remarca cu e ta cerca di e producto final y ta confia cu esaki lo ta un exito unda e Jaguar I Pace hunto cu e Audi e-tron a faya te ainda. Lyriq lo bay ‘mano a mano’ cu e modelo chikito SUV Y di Tesla cu ta cuminsa un poco menos cu 50.000 dollar. E Lyriq tambe lo por tuma benta di otro modelonan di e compania di Palo Alto, Carlifornia. GM no lo por bisa e prijs exacto o alcance di e SUV, ni lo bisa si e Lyriq lo yega of supera e alcance di 316 kilometer di e modelo, of mehora su tempo di 0 te cu 60 miya pa ora (96,2 kilometer pa ora) di 3.5 seconde. E modelo por facilmente supera  60.000 dollar cu opcionnan pero e ehecutivonan a bisa cu Lyriq su estilo ta diseña specificamente pa ta un vehiculo electronico cu un distribucion di peso balansa. Tambe a priminti un mihor maneho y un aceleracion rapido impulsa door di e ultimo generacion di baterianan kimico.

 

E Lyriq tambe lo por staciona den espacionan paralelo sin cu tin mester pa e conductor ta den e auto, similar na e tecnologia cu Tesla ta ofrece. Tambe tin capacidad di carga mas lihe riba coriente pero no a publica e tempo di carga. E I-pace di Jaguar y e e-tron Audi no a yega e alcance di e modelo Y cu e E-tron coriendo 234 miya riba cada carga y e e-tron SUV ta na 222 miya. E analista ehecutivo di Cox Automotive, Michelle Krebs, a bisa cu pa tene un alcance di 300 miya ta importante pa e clientenan cu ta comenta di tin miedo pa e vehiculo keda sin energia. Pa hendenan tambe ta importante pa por carga e vehiculo fuera di nan hogar pero esey lo mester ta hopi mihor pa ora cu e Lyriq sali na benta, nan a bisa. Tesla tin su propio red global di cargadornan loke ta duna un bentaha riba e competencia.

 

Cadillac por iguala tur e itemnan pa competi cu Tesla, pero no por iguala e marca y e mistica di Elon Musk CEO cu tambe ta dirigi e compania SpaceX, Krebs a bisa. Hendenan ta cumpra un Tesla, pasobra e ta un Tesla,” el a bisa, “Tesla a haci un trabao asombroso den e construccion di un marca, sin publicidad, ni marketing, solamente puro entusiasmo pa e clientenan”. Pa por logra avance Cadillac lo tin cu cambia e forma cu ta bende vehiculo electronico, ofreciendo recoridonan largo y crea conveniencia pa e clientenan, el a bisa.

 

 

LEAVE A REPLY

Please enter your comment!
Please enter your name here