Ultimo simannan nos por a tende Min Pres Evelyna Wever Croes expresa na varios ocasion cu gobierno lo bay ehecuta su Master plan cu a wordo traha primeramente pa 138 contribuyente pero despues a adapta esaki na 250 contribuyente.

Hasta Ministro Presidente a pone accento cu ora cuminsa ehecuta e maneho aki lo mester mantene nos mes na locual ta den e Master plan aki. Na mes momento Min Pres Evelyna ta splica cu por lo pronto gobierno no por inicia cu e maneho aki pasobra nos mester gana e bataya contra Covid 19 prome!

PPA ta sinti e necesidad di expresa nos opinion encuanto e ponencia aki !!

Na prome luga gabinete EvelynaWever Croes tin 3 aña ta goberna nos pais Aruba y e crisis crea pa Covid 19 tin apenas 6 luna! Unda e resultado di e maneho economico di e gobierno MEPORED ta ?Kico nan a haci cu tin un impacto positivo riba nos economia den e prome 2 aña y mei?Realidad di bida ta cu durante 1 aña y mei gabinete Wever Croes no tabata tin un vision ni maneho economico real! A dura un aña y mei prome cu nan a presenta un maneho economico riba papel !! Y despues a pasa un aña y atrobe por haci e pregunta: Kico gab Wever Croes a haci den e periodo aki cu nan maneho economico tabata conoci pa crea proyecto cu tin un impacto economico positivo??

E maneho economico cu gabinete EvelynaWever Croes a encera cu pa locual ta trata e posibel Upgrader riba tereno di nos refineria realidad ta cu gabineteWever Croes a faya barbaramente.

Na prome luga gab Wever Croes a pretende cu e proyecto di CITGO ta di gab Mike Eman(AVP) so mientras ta bon conoci cu 20 miembro di parlamento di AVP, MEP y Democracia Real a vota pa e proyecto di CITGO cual ta haci e proyecto di CITGO di MEP y POR tambe (unico cu no a vota ta drs. Marisol Lopez Tromp!).

Durante e dos y mei a keda demostra cu Min Pres EvelynaWever Croes cu ta responsabel pa e proyecto CITGO no tabata tin suficiente contacto cu e compania di gobierno RDA! Tambe a keda demostra cu RDA mes no a haci su trabou debidamente.

Esaki PPA a conclui basa riba declaracionnan di nos propio Min Pres Evelyna despues cu el a bishita Merca y hanas or presa desagradabel relaciona cu e proyecto CITGO!

Pa colmo pa finalisa e locual PPA a cualifica como e ‘aventura’ di CITGO a resulta cu gobierno MEPORED y su Min Presa a entrega garantia di un 350 miyon florin bek na CITGO cu a pone cu despues cu CITGO a pone Aruba y San Nicolas perde casi cuatro aña di posibel progreso CITGO a bandona Aruba cu un gran parti di suplaca(garantia) tambe!

Un otro punto importante den e maneho economico pober di gab Wever Croes ta e hecho cu MEP por fin a adapta nan punto di bista pa cu e tereno di refineria!

Manera ta conoci MEP semper tabata para pa e ponencia ‘tanten cu tin 1% di oportunidad pa habri e refineria’ mester dedica atencion na esaki.

PPA tabata tin un otro punto di bista unda otro alternativa lo mester ricibi atencion tambe! Y PPA mes den nos programa “AGENDA FOR SAN NICOLAS’ durante varios seleccion a pone accento riba e.o. Transshipment, bunkering, Container haven , Shipbuilding &Shipservices y varios alternativa mas.

Por fin Por Fin, MEP a adapta su punto di bista y a bin para banda di e punto di bista di PPA esta cu otro alternativa tambe mester ricibi atencion di parti di gobierno di Aruba cual proceso ta andando aworaki!! Nos ta keda pendiente na kico lo ta e resultado di e proceso aki y nos ta desea gab Wever Croes exito riba e punto specifico aki.

PPA ta bolbe pone accento riba e hecho cu maneho di gab Wever Croes NO a inicia na maart 2020 ora Covid 19 a bati na porta. Maneho economico di Gab Wever Croes a inicia na november 2017 ora e gobierno forma pa tres partido politico cu a formalisa nan programa pa goberna pero cu un capitulo economico hopi ‘zwak’ mes y cu 100 dia a pasa sin cu e Ministro encarga cu economia a presenta un vision economico mas amplio riba esaki! Pa colmo a dura un aña y mei despues di a ricibi hopi critica di e.o PPA cu a presenta e vision economico di gobierno MEPORED.

Pero y PPA ta ripiti:

kico a logra den e aña cu a sigui?? Cuanto proyecto basa riba e vision economico aki a acorda y cuanto cupo di trabou a wordo crea ?? Tur esaki prome PPA ta ripiti prome cu COVID 19 a bati na porta ??

Nada nada mes of masha poco!!

Covid 19 a bati na porta !!

Ora Covid 19 a bati na porta e consecuencia a trece hopi claridad riba varios tereno!

Tereno di Salud Publico unda claramente Aruba no tabata prepara pa e lucha contra Covid 19 y a ricibi yudansa Hulandes den esaki.

Pero claramente a keda demostra cu e consecuencia dramatico riba tereno economico tabata sumamente ‘fatal’ mes y ey nan e luz cu COVID 19 a trece cune le a mustra cu e vision economico di gab Wever Croes NO tabata cla pa e lucha economico ora cu COVID 19 bay.

Aki gab Wever Croes a inicia cu un maneho pa laga 25) (??) contribuyente duna nan contribucion pero ‘guess what ??) sin participacion di NINGUN partido politico den oposicion ni den parlamento ni pafo di parlamento!! Esta democratico no anto den un pandemia. Awo kier pretende cu un gobierno nobo cu participacion di partido politico cu NO tabata tin participacion den e supuesto Master plan economico no lo por wordo adapta pa un gobierno nobo of gobierno cu participacion nobo!!

PPA en todo caso aña largo ta presenta nos propio capitulo di nos programa cu cual nos ta bay eleccion cu ta carga e titulo’ NOS MASTERPLAN ECONOMICO!’

Pakico? Pasobra PPA ta indica den nos ‘ master plan economico’ sector of inicio di proyecto cu lo por ‘diversifica’ y crea pilar economico den futuro!

p.e.*** PPA ta mustra riba e posibel impacto economico di un Aruba World Trade Center combina cu un Universidad Internacional y dos ‘business hotels’ !

*** PPA ta mustra riba un ‘Education Village-Education Free Zone’!

*** PPA ta mustra riba un desaroyo dinamico riba tereno industrial unda p.e. un parti ta dedica na ‘ SHIPBUILDING & SHIPSERVICES’ etc…..

*** PPA a mustra con pa ‘diversifica’ nos actual pilar economico nos turismo inicia pa PPA pa asina expande nos servicio na mundo Internacional.

Lastima pueblo a scoge otro partido politico es tatanto MEP como AVP ambos pa e periodo di ocho (8) y claramente a keda demostra cu no solamente No tabata tin progreso economico real pero cu e MEGA DEBE a wordo crea y No tabata tin ‘progreso real’ bow di e gobierno forma pa UN solo partido politico. Esaki ta un punto cu nos pueblo lo mester tuma bon nota di djele. Defensa tristo !

Pa colmo hopi bes como defensa ta wordo bisa cu a haya un ‘caha di finanzas bashi’ p’esey No por a hiba un maneho economico!!

Well well esaki ta demostra cu nan No tin e minimo saber di con un maneho economico real ta wordo duna contenido.

Na prome luga pa medio di un vision economico …..cu a perde 1 aña y mei cu no tabata tin. Na di dos luga door di mercadia e vision economico aki cera grupo cu ta interesa pa inverti!! Cu otro palabra NO ta gobierno cu mester bay inverti den proyecto economico pero si tin un bon vision y bo a mercade ae vision aki debidamente bo mester haya gruponan interesa. Pa colmo PPA ta bon na altura cu cierto grupo a bati na porta cu bon idea economico/turistico pero cu nunca a ricibi e cooperacion economico/turistico pa nan por a ehecuta nan proyecto. A perde literalmente tres aña di gobernacion di cual 2 aña y 6 luna prome cu COVID 19 a bati na porta. Aki gab Wever Croes a faya barbaramente!! Y esaki ta e berdad amargo!!

P’esey pa sconde tras di COVID 19 no ta aceptabel……..a faya formalmente riba e tereno economico. A faya atrobe ora a pone tanto economia como finanzas publico cay bou di e mesun ministro sabiendo cu Aruba ya caba tabata den un caos!!

A faya ora no a pone cierto departamento cay bou di e ministro encarga cu economia..kitando e instrumentonan pa por hiba un maneho economico !!

A faya ora cu simplemente NO tabata tin vision economico un Anja y mei largo y despues cu vision a mustra masha poco atencion pa nan propio vision!!

Anto tin e cara pa pretende cu awo si tin un MASTERPLAN economico cu ora cu cuminsa ehecuta esaki cu un gobierno nobo of adapta lo no por trece cambio na esaki.

Un ponencia en contra di funcionamento di un pais democratico.

Si bo ta di opinion cu tin ‘interes di pueblo’ pa riba cierto tereno No bini cambio den futuro anto bo mester mustra e grandeza pa permiti ‘oposicion’ participa den un proceso pa crea un Master plan economico cu tin sosten amplio. Lastima cu lo ‘contrario’ a pasa!!

PPA en todo caso lo inicia nos proceso interno pa por presenta nos ‘MASTERPLAN ECONOMICO’ adapta pa e proximo eleccion.

 

LEAVE A REPLY

Please enter your comment!
Please enter your name here