Corte Supremo di Husticia a ordena investiga e presidente di Brasil, Jair Bolsonaro, ken ex-minister di Husticia Sergio Moro a acusa di interveni politicamente den sector hudicial.

E decision tabata di e magistrado Celso de Mello, ken dialuna ultimo a responde e solicitud realisa diabierna ultimo pa e Fiscal General di Nacion, Augusto Aras.

Moro, ken como hues a manda prizon e ex-presidente Luiz Inacio Lula da Silva, a anuncia e mesun diabierna su renuncia despues cu Bolsonaro a kita e director general di e Polis Federal, Mauricio Valeixo.

Durante un discurso den cual el a anuncia su retiro, e ex-hues a cuestiona e interferencia politico di e mandatario den e nombramento di funcionnan tecnico, incluyendo e director di Polis Federal.

Segun e magistrado, ta posibel pa habri un investigacion contra Bolsonaro ya cu e echonan cu Moro a bisa tin relacion cu ehercicio di e funcion di e mandatario.

Segun e Constitucion Brasileño, e presidente no por ta investiga pa actonan cu a sucede pafo di ehercicio di su mandato.

“E crimen cu presuntamente e Presidente di e Republica, segun loke a wordo informa pa e minister di Husticia y Siguridad Publico na e momento ey, ta parce mantene un conexion intimo cu e ehercicio di e mandato presidencial”, De Mello a argumenta den su decision.

E apertura di un investigacion na Tribunal Supremo tin como obhetivo aclaria si Bolsonaro a comete un delito eventual di falso ideologia, coaccion, prevaricacion of obstruccion di husticia, entre otro.

Despues di un aña y mey na poder, actualmente Bolsonaro ta biba su mayor crisis politico den su mandato, cu ta uni pa e problema cu ta enfrenta pa e pandemia di coronavirus, cu tin mas di 4.200 morto y tin casi 70.000 caso confirma.

LEAVE A REPLY

Please enter your comment!
Please enter your name here