Ayera diamars un edificio residencial di shete piso a cay na e ciudad Brasileño di Fortaleza, capital di estado Ceara. E suceso a laga un saldo parcial di un persona fayecido y tres persona a ser rescata cu bida. Un di hipotesis cu bomberonan ta maneha ta cu e incidente a ser causa pa un boter di gas.
Bomberonan y varios ambulance a acudi na e bario Dionisio Torres, na region di clase medio- halto di Fortaleza.
Den un declaracion, e bomberonan a confirma cu lo por tin en medio di e restonan di e edificio entre 10 of 15 persona cu a keda atrapa. Algun di nan a logra contacto cu e cuerpo di rescate. Segun algun testigo a informa, e edificio cu a collapse, lo por tabata ocupa pa algun persona na e momento di e caida di e structura. E causa di e suceso ainda ta den investigacion.
Bisiñanan y famianan di e residente a yega na e luga di accidente den buskeda di informacion riba nan famia.
Na april, dos edificio a cay na den un area di Rio de Janeiro, a laga un decena di morto y a expone e problema di e edificionan iregular na Brasil.
