Minister Schwengle y directiva di Lotto pa Deporte hunto cu Junior Tromp, director di Fundacion Facilidadnan Deportivo a realisa un bishita na e cancha di basketball den Joe Laveist Ballpark cu lo wordo renoba.Mirando e trabounan ya haci riba e stadion di Joe Laveist Ballpark cu ta un hoya di stadion mester caba cu tur otro
trabou cu ta pertenece na dje, un di nan ta e cancha di basketball. A haya un poco contra tempo unda mester a drecha e yerba pa e veld di baseball y algun otro trabounan pero esaki awor ta canando den e direccion corecto.
Un apelacion ta bay na nos federacionnan, clubnan, scolnan pa haci mas uzo di e facilidadnan aki paso ta p’esey nan ta wordo traha. E stadion di Joe Laveist mester bira uno multi facetico unda diferente deporte por wordo practica. Esaki mas cu claro e ta bon pa e hobennan y e bario di San Nicolas den su totalidad, ta duna mas oportunidad pa traha. Mester bisa cu lo bay traha tambe un “batting cage” pa asina e hobennan cu ta practica e deporte di baseball por entrena nan bateo aki den.
Ta boga un bes mas na tur e partnernan pa uza e complehonan aki paso pa esey nan t’ey. Mirando Lotto y Sport Subsidie Commissie ta duna cen pa huur nan ta sali for di punto di bista cu e complehonan aki ta wordo uza mas
miho pa nan subsidarionan.
