Medical workers check on the conditions of patients in Jinyintan Hospital, designated for critical COVID-19 patients, in Wuhan in central China's Hubei province Thursday, Feb. 13, 2020. China on Thursday reported 254 new deaths and a spike in virus cases of 15,152, after the hardest-hit province of Hubei applied a new classification system that broadens the scope of diagnoses for the outbreak, which has spread to more than 20 countries. (Chinatopix Via AP)

China a reporta un aumento den cantidad di morto y infeccion di e virus nobo ayera, despues di cambia e forma con ta conta e cantidad, obscureciendo mas ainda un epidemia cu a lanta miedo mientras ta plama na mas di dos decena di pais.

E aumento a bin despues di dos dia durante cual e cantidad di caso nobo a reduci y a trece tiki claridad pa esunnan desespera pa compronde e trayectorio di e brote.

E cantidad di morto na China pa e malesa conoci como COVID-19 a alcansa 1,367, 254 mas cu un dia anterior, y e cantidad di caso confirma a yega 59,804, 15, 152 mas.

Dr. Michael Ryan, hefe di emergencia di Organisacion Mundial di Salud (WHO) a bisa cu e aumento dramatico tabata pa motibo di un revision den e forma pa conta caso, y a adverti cu e no ta representa un aumento abrupto di infeccion nobo.

Comision Nacional di Salud di China a bisa cu oficialnan den provincia Hubei, cu su capital Wuhan ta epicentro di e virus, a cuminsa conta casonan usando un bara mas abou di ‘diagnostico clinico’. Esaki ta parce di conta caso basa riba analisis di dokter y imagen di pulmon na luga di depende unicamente riba resultado di test di laboratorio. Mas di 13mil di e casonan recien reporta tabata resultado di e forma nobo di conta.

Un vocero pa comision di Salud di China, Mi Feng, a bisa cu e cambio tabatin como meta identifica casonan sospechoso den cual e pashent tin pneumonia pa asina por ricibi tratamento mas lihe y reduci probabilidad di un malesa mas serio of morto. Tambe ta ser mira como un reflexion di un cantidad caotico di persona buscando tratamento y e lucha pa maneha un cantidad atrasa di muestra pa test.

Expertonan a expresa speransa cu awe lo trece un miho compresion si COVID-19 ta creciendo of muriendo. Si China sigui cu e metodo nobo, lo por compara. Dr. Ian Lipkin, director di Centro pa Infeccion y Inmunidad na Columbia University na New York, a bisa cu e pregunta ta si e tendencia ta subi of baha. Lipkin a biaha na China pa yuda investigadonan y oficialnan di salud publico evalua e riesgo di COVID-19, marcando su di nuebe ora di cuarentena na cas ayera. El a test negativo pa e virus.

 

LEAVE A REPLY

Please enter your comment!
Please enter your name here