Caso Ibis den corte na mei


Un cantidad di persona lo wordo hiba dilanti corte dianan 23, 24 y 25 di mei proximo relaciona cu e caso cu ta carga e nomber Ibis, segun informacion cu Bon Dia Aruba a haya confirma di Ministerio Publico (OM).

E caso aki a bira hopi popular ya cu tabata encera envolvimento di un minister den su funcion como mandatario, kende supuestamente tabata tuma entre otro placa di soborno na cambio di permiso na stranhero pa traha. Ta trata aki di ex-minister Paul Croes.

Desde 28 di maart 2017 un total di 30 testigo y 21 sospechoso a wordo scucha. E tempo ey, ocho (8) di e sospechonan a wordo deteni pa interogacion. E sospechosonan cu tabata den libertad a sigui como sospechoso den e investigacion. Mientras tanto, e cantidad di oficial di sospechoso cu lo wordo hiba corte ta 28 persona. A puntra vocero di ministerio publico si tin un fecha exacto cu e ex-minister lo ta den corte, pa cual e ta declara na Bon Dia cu ‘no, mi no sa. Logico ta cu e lo ta prome pero mi no por bisa’.

Un ekipo investigativo a analisa e material cu a wordo confisca. Particularmente e inventarisacion di cosnan digital cu a wordo confisca (informacion riba computers y por ehempel, telefonnan) ta costa hopi trabao segun OM a declara na cuminsamento di e investigacion.

Tabata tin hopi confusion di rond di ken e caso ta exactamente di cual PG van Dam a contesta cu: “E investigacion ta concentra rond di minister Paul Croes”, durante un conferencia di prensa organisa door di OM. Tambe tabata tin hopi comentario den pueblo riba e echo cu e gobierno anterior cu sr. Croes tabata forma parti dje, a dicidi di wante como minister te na final, aunke su carteranan, entre otro di labor, a wordo traspasa pa ex-minister Angel Bermudez.

Sospecho di fraude
E sospecho riba sr. Croes ta cu e corupcion administrativo ta encera primordialmente cu e tabata pidi/of tuma placa di soborno en cambio di un exencion (ontheffing) di e toets di arbeidsmarkt.

Un arbeidsmarkttoets positivo di parti di Departamento di Progreso Laboral (DPL) of un ontheffing di esaki ta un condicion pa Dimas saca un permiso di trabao na Aruba. Segun Ministerio Publico, e ontheffing nan tabata wordo saca door di e minister, den mayoria di e casonan, despues cu DPL a duna conseho negativo. Cu e ontheffing aki, e stranheronan tabata por a haya permiso di trabao. Durante e investigacion a lanta e sospecho cu e minister a haci su mes entre otro culpabel di labamento di placa, abuso di poder, y pone hende na trabao ilegalmente.

You May Also Like

A registra derame di petroleo na un refineria di Venezuela

Pa motibo di awasero pisa durante e ultimo dianan aki, a keda registra na ...

‘Den presupuesto 2018 a keda aproba 5.4 miyon extra pa Serlimar’

Ayera fraccion di MEP a pidi un reunion publico na presidente di parlamento pa ...

calypso roadmarch mucha.jpg

Resultado ganadora di Children and Youth Roadmarch & Calypso contest

Esaki ta e ganadornan den e categoria Infantil: *Popular Infantil: Zoe Boekhoudt *Rookie Infantil ...

Ministerio Publico

Minister Paul Croes y chauffeur su detencion prolonga pa 60 dia

Den un relato di Ministerio Publico a wordo anuncia cu hues comisario a prolonga ...

Auto a dal un dama na Pos Abou y a resulta levemente herida

Diabierna anochi ariba e caminda di Pos Abou un hyundai santa fe a dal ...

Caso Speeltuin: ‘Nan merece pa ta henter bida den prizon’

Fayo di comunicacion entre instancianan Ministerio Publico (OM) a pidi hues 15 aña di ...