Cerca di 20 mil Venezolano a emigra pa Republica Dominicana den ultimo añanan

Entre 18.000 y 20.000 Venezolano a instala na Republica Dominicana, despues di bandona nan pais den ultimo añanan, Carlos Amarante Baret, ministro di interior y
polis, a informa. Mayoria di Venezolanonan ta ilegal riba suelo Dominicano.

E cantidad di Venezolano ta flotante, pasobra nan ta drenta y sali di e pais, ” e ministro a splica den un comunicado. Asociacion di Venezolano na Republica Dominicana a pidi gobierno di Republica Dominicana, pa duna algun facilidad migratorio pa miles di ciudadano di e pais Suramericano cu a emigra den ultimo añanan pa e pais aki, pa motibo di e situacion na Venezuela.

Amarante Baret a sigura cu ainda ciudadanonan Venezolano no a formalisa e solicitud cerca ministerio di interior y husticia.

Na Republica Dominicana, tin un sistema migratorio cu ta regula pa Ley 285-04 y su Reglamento, y por lo tanto tur hende, no ta importa unda nan ta yega, mester cumpli cu e ley aki.”

Venezolanonan por biaha pa Republica Dominicana sin un visa. Generalmente na Republica Dominicana nan ta duna un permiso di estadia di dos luna, cu hopi di nan a laga vence y a permanece den e pais como ilegal.

You May Also Like

Tormenta Irma ta menasa cu bira horcan y mañan ta bay rumbo pa Caribe

Irma, e di nuebe tormenta tropical di e temporada di horcan riba Atlantico, a ...

Situacion ta grave: “sakeo y tension na isla St. Martin despues di horcan Irma”

E sakeo ta un problema grave na St. Maarten, specificamente riba e parti Hulandes. ...

Nochi di sanger na Sao Paulo: Banda criminal a mata nuebe persona

Por lo menos nuebe persona a muri den dos episodio cu a tuma lugar ...

Ombudsman na Puerto Rico alarma cu estado di playanan

Ombudsman di Puerto Ricoen ta topa cu “situacion deprimente” na playanan di e isla. Baño ...

Haiti: Nacionnan Uni ta desea di fortifica mantencion di ley

Fortifica mantencion di ley y mehora cuerpo policial nacional y e sistema hudicial na ...

Segun López Obrador, Mexico autosuficiente pa cu gasolin na mei 2022

Mexico lo bay ta autosuficiente den su necesidadnan di gasolin pa mita di aña ...