Chicken farm na Pos Abou cu situacion intolerabel pa habitantenan

Habitantenan di Pos Abou cu ta biba pabou di e Chicken farm cu tin añas ubica na e mes un luga ta poco cansa di un situacion reinando. Segun habitantenan e muscanan den e bisindario a bira basta dia pa dia y ni por come drechi y e holor ta bira uno alarmante. Esaki a haci cu Polis di bario Oranjestad y un personal di salubridad publico a bishita e chicken farm. Por a tuma nota cu ta usa un tereno pafo di loke nan tin pa benta sushi afo y den e luga unda tur e galiñanan ta, e chinesnan no ta haci e sushi di e galiña limpi y esaki ta aumenta e holor malo y e muscitanan. E luga ta den un situacion no mucho bon y ta cria e muscanan aki, salubridad publico a tuma nota di con ta laga e webonan den caha afo den calor pa wordo reparti rond na e supermarketnan. Pero tin su fechanan cu despues cu esakinan sali for di e galiña tin cu usanan prome cu tal fecha sino e webo ta daña. Salubridad publico a notifica e chines cu e tin un siman pa haci e parti di e galiñanan limpi pa asina baha e cantidad di musca y tin cu mantene e luga limpi pa no tin molester pa cu e bisindario.