Dialuna awor, 29 di juni pa 10or di mainta, ciudadanonan mal contento cu programa FASE, subsidio di salario y ZZP lo sali pa protesta na parlamento y entrega un manifiesto na minister presidente, Evelyn Wever Croes; Minister di Finanzas, Xiomara Ruiz Maduro y minister di Asuntonan Social y Labor, Glenbert Croes pa nan por haya contesta di kico ta pasando cu nan peticion, cu te ainda despues di tres luna ta sigui wardando p’e.
Asina tambe a keda conoci cu despues di parlamento nan lo bay pa Departamento di Labor DPL pa tur cu a haya cita y pa otronan cu ni cita nan por haya. Tambe lo entrega un carta na director di oficina di Labor.
Pa finalisa, e protesta aki tambe lo bay pa oficina di SVB na Eagle Beach, pa papia cu Edwin Jacobs, y asina exigi un splicacion di subsidio di salario pa personanan cu no ta haya esaki mas y cu a ser manda pa FASE, pero kendenan no a ricibi ningun placa.
Riba e 5 carta cu lo ser entrega durante e manifestacion ta poni cu lo duna 48 ora pa ricibi un contesta riba nan peticion den medionan di comunicacion. De lo contrario, e proximo protesta lo ta mas pisa.
