droga.jpg

Segun Vocero di Polis ainda e cantidad di droga no ta conoci mirando cu mester test y pisa cada paki, e ta un proceso cu ta tuma su tempo. Tambe teniendo na cuenta cu e investigacion ta uno inespera pa UGC y tin otro investigacionnan andando, cual a haci cu tin mas trabou. Tur cos ta mustra cu ta trata di paketenan di marihuana y di cocaina cu a wordo haya.

 

“Pisa y test no ta un proceso cu ta bay den un dia, cada paki mester wordo getest y pisa, unico informacion cu ta confirma ta cu tin paki tin marihuana y tin paki tin cocaina.” Informacion extra oficial a sali ta indica cu lo ta trata di 200 kilo di droga, a puntra polis si esaki ta cuadra, sinembargo Sr. Laclé a indica cu esey no ta informacion di polis. No por djis conta paki y bisa.

 

E prome cos cu ta tuma luga ta parti cuminsa parti e pakinan pues local ta marihuana y locual ta cocaina y ta test esakinan pa por uza como prueba. Hopi biaha un paki no tin exactamente un kilo tampoco cual ta haci cu no por conta y calcula a base di esey. Tin biaha tin mas tin biaha tin menos. EL a splica cu e sospechonan mester wordo interoga etc. mas pronto cu ta posibel, cual den e prome fase tin ‘zes verhooruren”, asina el a splica di e cantidad di tarea cu tin prome cu conta e droga. Siguientemente Ministerio Publico mester haya tur e ‘stukken’ pa prepara pa e sospechoso presenta dilanti di  oficier den 2x 24 ora.

 

“Tur esaki teniendo na cuenta cu e investigacion ta inespera pa UGC, ainda banda di dje  tin investigacionnan andando cu tambe mester traha riba dje. Asina Sr. Laclé a splica poco di e proceso den e tipo di casonan aki.

 

Informacion di e suceso 

Dialuna mainta Polis a haya notificacion di un boto sospechoso, mesora Central di Polis a coordina pa manda patruya di San Nicolas pa Sero Colorado, pa maneha e situacion na tera, mientras cu a manda BP-2, e boto di Polisnan Maritimo, pa bay mesora na e sitio. Den menos di 5 minuut e boto di Polis a informa cu e ta na e sitio y a topa cu e boto cu e nomber “Porfin”. Asina cu Polisnan a subi riba e boto y a start cu nan control rutinario, a topa cu un cantidad considerabel di droga.

 

LEAVE A REPLY

Please enter your comment!
Please enter your name here