(Infobae) – Mas di 50 organisacion y 8 mision internacional di cual 4 lo tin caracter tecnico, ta bay ta presente na Colombia pa acompaña y haci observacion electoral durante eleccion di mañan, unda lo eligi presidente y vice-presidente di e republica.

Algun ingeniero y integrante di e mision tecnico hunto cu representantenan di e campaña presidencial tabata acompaña e pruebanan di funcionamento di e software di votacion y e codigonan, esaki pa genera confiansa den e proceso como a sucede na e prome buelta, segun a splica Alberto Oscar Uez, coordinador di Autoria Informatico di Transparencia Electoral di Latino America.

Ademas, el a resalta e importancia di invita e diferente campaña pa evalua e diferente software pa nan por resolve e dudanan den e diferente pruebanan cu nan a haci caba prome cu e di dos buelta.

E misionnan aki lo ta den varios region: mañan 19 di juni, dia di eleccionnan lo tin presencia na diferente puesto di votacion observando e desaroyo di e jornada electoral, asina tambe na luganan unda ademas lo implementa e sistema biometrico.

“Ehercicionan aki ta hopi importante, nan ta suma y demostra cu Registraduria ta den bon caminda, nan ta aporta informacion mayor den loke tur institucion ta pretende cu ta interesa den proceso electoral. Mi ta mira den e gruponan politico mas interes, nan tabatin hopi duda cu nan a plantia y a presenta. Ta bon pa nan puntra y pa nan haya contesta, pasobra esey nan ta warda y e tipo di ehercicio aki ta hopi beneficioso pa genera mas transparencia, ta confiansa loke nan ta buscando den e proceso y uso di sistema informatico”, el a finalisa.

LEAVE A REPLY

Please enter your comment!
Please enter your name here