Diasabra a registra un caso di tiramento na altura di Rooisantu, caminda cu un persona masculino a keda gravemente herida den un vehiculo blanco pega cu Bakkerij de Zon.

Esaki a sosode pa mas o menos 1or di marduga. Na yegada di polis na e sitio nan a bin topa cu un hoben herida y cu urgencia a transporte pa Policlinica. E esfuersonan haci pa scapa e hoben su bida no a duna resultado. Durante oranan trempan di mainta, vocero di polis a confirma cu e hoben, cu a keda herida pa bala di arma di candela, a fayece.

Tambe diasabra anochi un otro persona masculino a keda sefta cu bala den area di Kaya Talco na Kura Piedra pa mas o menos algo pasa di 11or. Na yegada di tanto ambulance como polis e victima no tabata duna señal di bida mas. Ambos caso ta bou investigacion.

 

LEAVE A REPLY

Please enter your comment!
Please enter your name here