Diasabra ultimo central di polis a haya informacion cuĀ  tabata tin un caso di tiramento cu a tuma luga na Caracasbaaiweg.

Na yega di e oficialnan nan a bin topa cu un hende homber drumi abou cu un cantidad di herida di bala na e parti ariba di su curpa.

Riba caya y den bisindario di e victima, tabatin un gran cantidad di cashi di bala. A pidi presencia di personal di ambulance cu urgencia na e sitio, pero na nan yegada no por a haci nada mas pa e victima. Dokter di polis a presenta na e sitio, y a constata morto di e homber Dhenico Johannes Pauletta, nace na Corsou dia 13 di augustus 1985. For di investigacion preliminar a sali na cla cu e victima tabata hunto cu mas conoci na e sitio y diripiente un auto a pasa y un of mas ocupante di e auto aki a los diferente tiro dirigi riba e victima, cu e consecuencia fatal. Riba ordo di fiscal di Ministerio Publico a confisca e curpa. Investigacion den e caso aki ta continua. EĀ  victima ta un futbolista di e ekipo Centro Dominguitu.