Francia: Guera cu ‘jacket geel’ ta continua

Forsanan di siguridad Frances a tira gas lacrimogeno y ‘flash-ball’ contra un manifestacion, cu a cuminsa como marcha pacifico pero cu gradualmente a converti den violencia diasabra pasa na Paris.

E movimento di ‘jacket geel’ a convoca nan prome accion pa e aña nobo, den un intento pa mantene presion riba presidente Macron, cu a elimina e medidanan cu tabata concerni prijs di combustibel, pero e accionnan a amplia den direccion di un exigencia pa su renuncia como presidente.

Den e disturbionan di e fin di siman aki un boto restaurant cu tabata mara na oriya di riu Seine a pega candela . Huma y gas lacrimogeno tabata colga riba museo Orsay y e dak di oro di Academia Frances, mientras riot police, casi invisibel na inicio di e marcha, a cuminsa drenta den accion ora e marcha a desvia di e ruta acorda di antemano.

E marcha a logra penetra na avenida Champs-Elysees, e famoso boulevard cu tabata e centro di e marchanan anterior.  E prome edificio gubernamental ataca tabata e oficina di e vocero di gobierno Frances, Benjamin Griveaux, cu a ser evacua di su oficina despues cu a destrui e porta dilanti.

E tabata e prome atake riba propiedad di estado desde cu e movimento di jacket geel a cuminsa cu nan accionnan  ocho siman pasa. E activistanan a purba yega na e palacio presidencial Elysee, cu ta proteha manera un bunker.

E ultimo demostracion tabata manera un test pa e movimento mes, cu nan apoyo dunando señal di cansancio. Ministro di Interior Christophe Castaner a calcula cu alrededor di 50.000 persona a participa den accionnan na henter Francia diasabra. Polis na Paris a conta 3.500 participante.

You May Also Like

Mayoria Mericano no tin confiansa den team di Trump

Segun reportahe di CNN, seis luna despues cu Donald Trump a bira president di ...

original_400908_hPWntsJCZHuBcMEihOWzltIDh-1014x487.png

Carchi pa weganan di Olimpiada 2016 na Rio no ta bendiendo

Tin chens cu ta bay tin poco luga bashi den e weganan di Olimpiada ...

Candela a bay cu hopi cas na Chile

Diahuebs marduga un miyon cas di pueblo di Santa Olga a disparce, pa motibo ...

Iraq ta sentencia 27 homber cu castigo di morto

Iraq a sentencia 27 prizonero cu castigo di morto pa nan parti den e ...

Morto di hoben adicto riba internet na China ta causa furia

Un hoben Chines a fayece algun dia despues cu el a wordo manda na ...

Por lo menos 17 a muri den tiramento na scol Florida

FLORIDA (AP) – Un ex studiante di un scol secundario na Parkland, Florida kende ...