”Mi nunca a yega di experiencia algo asina ki, mi tabata un poco den shock” , Testigo cu a meld e caso ta conta Bon Dia 24.
E persona aki cu a dicidi di keda anonimo, ta conta Bon Dia 24 cu e ta pasa riba e caminda ey tur mainta pa bay traha y a ripara
cu algo no tabata bon. Na prome instancia e ta bisa cu e la kere e tabata un bestia pero ora cu e la yega cerca e la ripara cu e tabata un persona.
Esaki a sosode alrededor di 8:30, y pa motibo cu e nunca a experiencia algo asina ki, e testigo ta conta nos cu den shock e la core bay busca
su jefe y nan a cana bay verifica si en berdad e tabata un persona.
Indentidad di curpa ta ainda desconoci
Polis a sera e area alrededor di 100 meter for di e luga pa evita entrada di otro personanan
mientras a inicia investigacion grandi huntu cu Fiscal di Ministerio Publico y Recherche Departamento
Oranjestad cu a yega e sitio mes ora. A haya e curpa benta riba tera drumi riba su barica.
Esaki ta e di dos caso despues di suceso di e curpa haya kima na Franse Pas den December di aña pasa y investigacion
ta andando pa mira si por tin algun relacion cu esaki.
Keda pendiente cu nos siguiente edicion di Bon Dia Aruba pa mas informacion
.jpg "Philipine van Aanholt 26 luga prome dia Laser Radial Weganan Olimpico")
