Curpa di un homber sin bida haya patras di Nanki

Diamars merdia den careda di 1:55 patruya ta wordo manda patras di Nanki na Colony pa un curpa sin bida. Na yegada di polis nan ta topa cu un curpa di hende homber. Informacion a drenta via di esunnan cu ta campando den e area. Pa 2:45 Dr. Every a constata morto di e homber aki. Riba e curpa no a haya ningun papel cu lo por a identifica ken e ta.

E curpa ainda tabata tin sapato na pia, indicando cu lo por ta trata di un persona cu lo a trata di drenta Aruba na un manera clandestino.

Recherche di San Nicolas ta encarga cu e investigacion.