Presidente di Nicaragua, Daniel Ortega a tuma e posicion di presidente pa un di cuatro periodo di cinco aña. E periodo aki ta su di cuatro mandato y su di tres nombramento consecutivo. E biaha aki el a ser nombra hunto cu su casa Rosario Murillo, ken ta e vice-presidente, lo cual ta un situacion inedito den historia di Nicaragua. Ortega tin 71 aña y a asumi su mandato den un ceremonia cu presencia di varios hefe di estado manera Tsai Ing-wen di Taiwan, Salvador Sánchez Cerén di El Salvador, Nicolás Maduro di Venezuela, y Evo Morales di Bolivia.
E formula di Ortega y Murillo a gana e eleccion general dia 6 di november ultimo, cu hopi critica pa motibo di e eliminacion legal di e principal grupo di oposicion na Nicaragua.
Ortega a ser re-eligi cu 75% di voto, y su partido Frente Sandinista di Liberacion Nacional a logra 70 di 90 puesto cu tabata den e contienda. E cantidad aki ta suficiente pa cu nan por reforma e constitucion di Nicaragua.
