Diamars pasa di 10 or anochi un homber su ‘cabes a flip’ y hinca su colega cu ta un hende muhe cu cuchiu basta grandi, e dama a keda herida y a cay abou. Di biaha Polis ta presenta na e sitio y e oficialnan a bay over na detene e sospechoso cu a comete e hincamento. A hiba e sospechoso pa warda di Oranjestad y a notifica recherche di Oranjestad pa presenta tambe. Mientras tabata tin un personal di ambulance na civil cu tabata den cercania, a controla e dama presente dilanti e oficialnan pa mira su situacion. Ambulance a acudi y asina e paramediconan na warda a atende cu e señora herida cu a keda transporta pa hospital.
