Gobierno Hulandes tin plan pa aumenta e edad legal pa bira un prostituta, for di 18 aña pa 21, y ademas introduci un sistema nobo di licencia, segun AD a bisa diabierna, citando fuentenan na Den Haag.

Ademas, ‘pimp’nan cu ta beneficia financieramente di prostitucion lo ta cometiendo un ofensa criminal, a menos cu nan tambe tin un licencia, segun AD.

E meta ta pa yuda combati traficacion humano y explotacion, y crea un set di regla na nivel nacional. E edad legal na Amsterdam, por ehempel, ta 21 aña desde 2013. E medidanan tabata inclui den e acuerdo di gobernacion di coalicion, y ta un deseo particular di Gert-Jan Segers, lider di e partido chikito ChristenUnie.

E introduccion di licencia ta particularmente controversial, y prostitutanan ta bisa cu lo pone nan opera di forma ilegal. Esfuersonan anterior pa introduci mas regla pa regula prostitucion a faya, segun AD.

 

 

LEAVE A REPLY

Please enter your comment!
Please enter your name here