Departamento di Impuesto ta fabrica fechanan cu tin consecuencia legal

15siad.jpg

E ultimo dianan ciudadanonan ta hayando post atrobe di Departamento di Impuesto unda por constata cu ta trata di cartanan di basta luna pasa. Pero e sospecha ta cu tin un wega cu e departamento aki ta hunga cu e fechanan, cual tin consecuencia legal. 

Pa basta aña ciudadano ta keha cu ta tin un tardanza den e post di belasting. Aangifte nan ta yega laat y tin biaha asina laat cu e tempo pa apela esaki (bezwaarschrift) ya a pasa. Ora di bay reclama na Departamento di Impuesto e contesta mayoria biaha ta mester bay postkantoor pa reclama. Y cu no ta e departamento cu ta manda e cartanan laat si no tin problema cu post. 
Un par di aña pasa e departamento mes a busca un alternativa como cu post tabata perdi hopi papel di belasting y of  tabatin un tardanza di lunanan pa e papelnan ta yega su destino. Asina esaki tabata crea e situacion cu miles di hende no a ricibi por ehempel e formularionan pa haci aangifte. 

Sinembargo e alternativa aki, segun Bon Dia Aruba a compronde, a bira mucho costoso y Departamento di Belasting a dicidi di uza Post Aruba atrobe pa manda nan corespondencia. Aunke nan ta na haltura cu Post Aruba no ta funcionando y berdad tin tardanza den e suministro di post. 

Pero awor tin e indicacion cu no tur cos ta e ‘fout’ di post. Siman pasa un cliente a ricibi un carta cu tabatin e fecha 31 di augustus 2016. Riba e mesun dia y na e mesun adres a ricibi otro papelnan di belasting cu fechanan di februari. 

Ora e clientenan a bay reclama na e Departamento di Impuesto, nan a ripara cu e splicacion  no ta cuadra. Na prome instante e comentario oficial tabata atrobe cu e departamento no por yuda y  mester acudi na Post Aruba. Ora a hala atencion riba un carta ricibi na augustus cu e fecha di 11 februari, mientrastanto na maart ya a ricibi un carta (cu e mesun contenido) cu e fecha 14 di februari, e contesta a bira hasta dudoso. Segun e ambtenaar e carta di 11 februari ta den e estilo nobo (color blauw) cu awor nan a cuminsa manda cliente. E carta di 14 di februari tabata den e estilo bieu ainda. 

Ora a puntra un splicacion con por manda un carta den estilo mas nobo pero cu un fecha mas bieu, e ambtenaar no kier a comenta mas y a referi na inspector di belasting pa eynan entrega un keho. E misterio di  e otro carta cu tin un fecha den futuro (31 di augustus 2016) tampoco a wordo aclaria. 
Bon Dia Aruba ta purbando di haya un comentario oficial di Departamento di Impuesto riba e bruhacion cu e fechanan. E fechanan ta importante manera bisa, pa motibo cu tin un termino pa entrega bezwaar den caso cu bo no ta di acuerdo cu un decision di e departamento. 

You May Also Like

Parti di 17,6% fondo turismo reserva pa Zika

Oficina di Turismo di Aruba (ATA) su entrada total pa 2016 tabata di Afl. ...

Editorial

Ola di inmigrante Venezolano no ta di awe

Gobierno kier actua mañan, kisas… Aparentemente nos autoridadnan cu tin cu atende asunto di ...

Accion di entrega di permisonan cla na DIMAS diabierna awo

Riba diabierna 9 di februari, lo pone un team grandi pa haci entrega na ...

image.jpeg

Alexander van Dam nombra como Procurador General di Aruba

Diabierna ultimo Conseho di Minister di Reino Hulandes a aproba nombracion di mr. Alexander ...

FADA cu Carousel 2019: Temporada mas druk unda hoben ta haci cosnan sin pensa

ORANJESTAD – FADA hunto cu otro instancianan ta traha hunto pa asina sigui cu ...