FILE - This July 23, 2008 file image made available by NASA shows the planet Saturn, as seen from the Cassini spacecraft. Twenty new moons have been found around Saturn, giving the ringed planet a total of 82, scientists said Monday, Oct. 7, 2019. (NASA/JPL/Space Science Institute via AP, File)

Sistema Solar tin un campeon nobo den departamento di luna. Binti luna nobo a ser haya rond di Saturno, dunando e planeta cu ring un total di 82, cientificonan a bisa ayera. Esey ta vence Jupiter y su 79 luna.

“Tabata dibertido pa haya sa cu Saturno ta e berdadero rey di luna”, segun astronomo, Scott Sheppard di Carnegie Institution for Science.

Un consuelo pa e hendenan di Jupiter, e planeta mas grandi di nos planeta – Jupiter – ainda tin e luna di mas grandi. Ganymede di Jupiter ta casi mita tamaño di Tera. En contraste, e 20 luna di Saturno ta minusculo, cada un apenas 5km den diametro.

Sheppard y su team a uza un telescop na Hawaii pa mira e 20 luna nobo di Saturno durante berano. Como 100 luna mas chikito lo por ta orbitando Saturno, ainda wardando pa ser descubri, el a bisa.

Astronomonan mas tanto a caba e inventario di lunanan chikito di 5km diametro rond Saturno y 1.6km rond Jupiter, segun Sheppard. Telescop mas grandi den futuro lo ta necesario pa mira algo mas chikito.

Ta mas dificil pa mira mini-luna rond Saturno cu rond Jupiter, Sheppard a bisa, mirando con hopi mas leu Saturno ta. “Pues mirando cu Saturno tin mas luna maske ta mas dificil pa haya nan, ta demostra con hopi luna Saturno a colecta a traves di tempo”, el a bisa. E mini-lunanan aki por a yega di lunanan grandi cu a kibra net despues cu Saturno a forma.

Diesshete di e lunanan nobo di Saturno ta orbita e planeta den direccion opuesto, of retrogrado. E otro tres ta circula e mesun direccion cu Saturno ta draai. Nan ta asina leu di Saturno cu ta dura dos pa tres aña pa completa un orbita.

“E lunanan aki ta e restonan di e obhetonan cu a yuda forma e planetanan, pues door di studia nan, nos ta siñando mas tocante kico a forma e planetanan”, Sheppard a bisa.

Apenas aña pasa, Sheppard a haya 12 luna nobo rond Jupiter. E Carnegie Institution tabatin un concurso di duna nomber pa nan; awo tin otro concurso planea pa e lunanan nobo di Saturno.

Ainda mester determina si algun planeta mas leu di nos sistema solar tin mas lunanan ainda. Te awo, Saturno tin e mayor cantidad di luna conoci.

E anuncio ayera a bin for di Minor Planet Center di e International Astronomical Union.

 

LEAVE A REPLY

Please enter your comment!
Please enter your name here