Dr. Horacio E. Oduber Hospital a firma MoU cu VUmc

Recientemente Dr. Horacio E. Oduber Hospital y VUmc Vrije Universiteit di Amsterdam ta cera un acuerdo, pero cada biaha ambos instancia a reuni y a firma e MoU pa por sigui traha hunto. A firma e addendum te cu mei 2019, a dicidi kico lo haci cu e studiantenan cu ta sigui estudio di medicina na Hospital di Aruba

Hospital ta traha riba 2 tereno cu VUmc, esta riba tereno medico pero tambe e tereno di educacion specialisa. Esaki ta segun e comunicado cu nos a ricibi di Hospital.

Director di Educacion di VUmc, Margreeth van der Meijde, a firma e MoU cu hospital pa otro aña. Nan tin palabracionnan y den e MoU tin poni e acuerdonan pe siguiente aña over e cantidad di dokternan cu lo haci nan stage. Ta trata di un total di 87 y Aruba ta un destinacion hopi popular, asina Margreeth van der Meijde a duna di conoce. Aruba tin hopi cos di ofrece, pero specialmente e Hospital y e manera con e specialistanan por guia e dokternan hoben. Tambe e oportunidad pa nan por siña hopi cos cu ta importante pe estudio. Tambe den e MoU tin un parti cu ta indica cu nan ta brinda educacion di nurse den Hospital pa katheterisatie di curason, nurse di mucha y otro.

Director di Cuido di Hospital,Ezzard Cilié, a duna di conoce cu pa nan e parti di educacion ta hopi importante, di cual mayoria educacion pa specialismo ta sosode den Hospital mes. Tur aña ta haci un evaluacion pa mira con e ultimo aña a bay y kico lo haci pe siguiente aña.

Hospital y VUmc a firma un addendum y esaki ta duna nan un idea kico lo bay haci riba e tereno di educacion medico y educacion profesional di nursenan. Tur esaki a palabra den e firmamento, esta kico tur lo haci otro aña.

Chirurg Oncoloog y presidente di e Comision di Educacion, Deepu Daryanani, tabata presente na e firmamento di e MoU cu VUmc y a duna di conoce cu na aña 2010 a cuminsa cu esaki. E prome prolongacion di MoU tabata na 2015 y cada aña e instancianan ta topa otro pa defini kico exacto ta e contenido di e MoU pe aña siguiente.

VUmc ta un partner importante pa hospital, manera AMS Academie, cu ta acopla na e medical centrum. E Universidad ta yuda hospital cu tur educacion specialisa na Aruba, a duna di conoce. Hospital recientemente a cera un acuerdo cu EPI y despues di e scol aki ta sigui cu specialisacion. Esey ta e parti cu VUmc y AMS Academie ta yuda hospital cun’e, asina Ezzard Cilié a duna di conoce.

You May Also Like

Reto financiero y economico por contribui pa trahadonan bati porta di sindicato

E referendum caminda e trahadonan di CMB a dicidi pa sindicato FTA representa nan, ...

mito croes.jpg

Mito Croes ex Politico a fayece na edad di 70

Sr. Mito Croes naci na aña 1946 na Aruba a studia ley na Katholieke ...

turista lama boei 2.jpg

No tin mesun hopi seguridad pa turista riba lama manera antes

Segun vocero di Maritieme Politie, e zona di ‘jet ski’ no ta marca na Eagle ...

svb fondo malesa.JPG

Entrada cu fluho di trahadonan registra a produci pa fondo di malesa

Ainda ta prematuro pa Banco di Seguro Social (SVb) por tin un bista precies ...

FB_IMG_1470434758109.jpg

Morto di futbolista Johnny Gomes ta sospecha di ta un homicidio

– Den cuadro cu morto di futbolista Johnny Gomes cu a sosode siman pasa ...