Cu eccema bo tin riba bo cuero partinan cu ta pica. Si bo tin un color di cuero cla, e partinan aki ta bira cora tambe, y cu un color di cuero un poco mas scur, e parti tambe ta mas scur.
E partinan aki por ta den diferente area y causa pa diferente motibo.
Eccema hereditario
Cu eccema hereditario, e eccema ta sinta mas tanto den e parti paden di bo elleboog, patras di bo rudia, na bo enkel, na bo nek of rond di bo wowonan. E eccema aki ta cuminsa desde un edad tempran, y tin e nomber Constituioneel Eczeem, pues Eccema Constitucional. Esaki por ta compaña pa un alegria tambe manera Hooikoorts of Asma.
Eccema di Blaasjes
Ora bo tin blaasjes na palma di bo man, suela di bo pia of na banda di bo dedenan di man y/of pia, ta trata di Blaasjeseczeem. E blaas nan aki ta pica.
Eccema ‘Nummulair’
E tipo di eccema aki ta rondo den cierto partinan. E por ta mesun grandi cu un moneda y su causa te ainda no ta cla. Nan ta situa mas tanto riba e bil, pero tambe por ta na e bariga, man of pia.
Eccema patras di rudia
Esaki por tuma luga mas tanto na personanan di edad mas avansa. E cuero hopi biaha ta seco, pero tambe esaki por tuma luga pa causa di aire seco y laba e parti demasiado frecuente cu awa y habon.
Tambe por haya eccema pa medio di tuma contacto cu cosnan manera habon, articulonan of kimiconan di limpiesa, cierto joyas y make-up.
Bo por haci algo bo mes?
No rasca e eccema. Esaki ta haci cu e ta pica hopi mas, pa yuda cu esaki por corta bo huña cu mas frecuencia. Ora cu bo sinti gana di rasca e eccema, entretene of distrae bo mes cu algo otro pa asina bo no pensa riba e sentimento aki.
Awa y habon ta seca e cuero, purba di evita cu bo cuero seca. Un cuero seco ta uno cu ta hopi mas sensibel y ta empeora e sentimento di picason. Pa causa di esaki, no baña demasiado frecuente (2 of 3 biaha pa siman) cu awa cu no ta ni hopi cayente ni tampoco pa un tempo largo.
No haci uso di habon, shampoo of scuma di baño of pro lo menos no haci esaki cu hopi frecuencia. Despues di baña, haci uso di biaha di un crema of zalf. Tambe bisti paña cu ta sinta los riba e curpa, y preferibel di catuna.
Eccema no ta vies ni tampoco contagioso. Contacto cu otro persona y brasa otro ta importante y sigur no lo causa ningun daño.
