Durante ultimo siman, Tourism Corporation Bonaire (TCB) a duna reconocemento na cuater bishitante mas como embahador di Boneiro. A haci esaki den dos categoria, cu ta brons y platina.
Den categoria di brons a honra e pareha Jeanne y Tim Hahn cu ta bishitando Boneiro pa 10 aña consecutivo, mientras Jeffrey Gorman tambe a ricibi esaki pa 10 aña di bishita na nos isla.
Señora Mischa Rus prosedente di Hulanda a ricibi e reconocemento aki den categoria di platina. Sra Rus no ta un desconoci na Boneiro, mirando cu nan ta doño di e compleho di Bonaire Exclusivo.
Pa tur dos ocasion Helen Mercera a haci entrega di certificado, feneta y plakkaat di reconocemento na tur e huespednan.
