E prome di dos eclipse solar e aña aki lo converti e solo den un ‘ring of fire’ dia 21 di juni (of dia 20, depediendo di e ubicacion). Hende na un banda estrecho di mundo lo tin chens pa mira e eclipse inusual en bibo.

Un eclipse solar anular ta tuma luga ora e luna ta mucho leu di nos pa sconde completamente e solo, lagando un cirkel di luz rond di e luna. Asina ta con e ta haya e apodo poetico, ‘ring of fire’.

E eclipse anular lo ta visibel for di algun parti di Africa y Asia. “Un parti estrecho for di Africa na Ocean Pacifico lo mira e luna dilanti di solo (blokeando 99.4% di solo na su peak na nort India) asina cu por mira solamente un ring briyante”, NASA a bisa den un update di ‘skywatching’ pa juni.

Website di NASA tambe ta mustra e ruta di e eclipse riba un mapa interactivo y ta permiti pa zoom pa haya un ubicacion pa mira. E eclipse no lo ta visibel na Aruba, pero toch por mir’e danki na e Virtual Telescope Project, cu ta transmiti eventonan celestial online.

Observatorio Nacional di Astronomia di Hapon lo tin un transmision en bibo – den idioma Hapones – cu su bista di e eclipse parcial cuminsando pa 11:45PT awe.

Esaki no lo ta e unico eclipse e aña aki. Un eclipse solar total ta programa pa dia 14 di december pa ser mira den algun parti di Sur America.

Mira online no ta mescos cu ta presente, pero toch ta un oportunidad pa contempla e maraviyanan di solo y luna, y nos luga den sistema solar.

 

LEAVE A REPLY

Please enter your comment!
Please enter your name here