Rihanna a converti den e miho modelo di e diseñonan di su linea di lingerie, Savage x Fenty.
Cu un set color berde lamunchi, e artista di 32 aña di edad a converti den e representante principal di e ultimo coleccion di su pañanan sensual cu a ser lansa memey di e disturbionan pa protesta racial y pandemia di coronavirus.
El a aparece riba rednan social di su marca pa modela e conhunto cu a resalta su curvanan y e color di su cuero, imagennan cu den algun ora a bira viral.
Na man di e diseñador Adam Selman, Rihanna awo ta busca duna impulso na su linea di paña, cu el a modela cu intencion di ‘kibra internet’. Asina el a promociona e linea Love Lace, diseña pa Selman.
E campaña aki a ser diseña y graba durante e proceso di cuarentena pa coronavirus, malesa cu tin henter mundo den pausa desde cuminsamento di aña.
Ademas di RiRi, e campaña tambe ta conta cu colaboracion di e rapper Megan Thee Stallion, e influencer Kenni Powe y e YouTubernan Kennedy Cymone y Jayla Koriyan, entre otro, kendenan tambe a promociona e marca riba nan rednan social.
