E temporada nobo di e serie biografico di Luis Miguel lo busca di cubri di un forma mas directo e distinto romance cu ‘el sol’ tabatin durante su largo trayectoria musical. E serie lo sigui transmiti via Netflix, y por supuesto, e protagonista principal lo ta Diego Boneta.
Diego Boneta mes a anuncia e segundo temporada di e serie durante prome dianan di cuarentena pa coronavirus. El a aparece den un video mustrando un borchi bisando “Luis Miguel La Serie T2 2021”. Sinembargo, a pesar cu covid-19 a atras hopi estreno, esaki no lo pasa cu e serie di Luis Miguel, ya cu a anuncia cu esaki lo estrena na october di e aña aki.
E temporada lo enfoca riba e fin di e romance entre Erika Camil cu Luis Miguel, y mustra con e bida romantico di e cantante no tabata igual, pues tabata e cuminsamento di un multitud di relacion amoroso cu ‘el sol’ tabatin. Destacando esun di e Cubano, Daisy Fuentes, cu ken e ta mantene un fuerte y estrecho amistad.
Otro di e relacionnan cu por aparece ta esun cu Mariah Carey, profundisando riba e origen di e relacion y con a tuma formalidad. Carey lo ta un punto fuerte den e serie, y por aparece e rumornan despues cu e cantante a padece un fuerte depresion, cual por tabata causa pa e kibramento di su relacion cu Luis Miguel, cu por a conduci na e crisis emocional pa cual el a ser hospitalisa.
Tambe su relacion cu Myrka Dellanos por ta den e serie. E relacion cu e periodista Mericano a dura dos aña, durante cual nan a compromete pa casa, pero pa algun motibo, e relacion no a propsera.
Ademas, e relacion cu e actriz Araceli Arambula por ocupa un luga importante. E ta mama di dos yiu di Luis Miguel, Daniel y Miguel, y tabatin un fin turbulento den locual ta un di e etapanan mas misterioso den bida di Luis Miguel.
Apart di su bida romantico, e serie lo tuma luga den e añanan den cual a aparece e exitonan mas grandi di e cantante, manera e canticanan ‘Suave’, ‘Hasta que me olvides’, ‘Pensar en ti’ y su incursion den genero mariachi, manera e canticanan ‘Mexico en la piel’.
Otro punto cu e serie por trata ta e problemanan legal cu Luis Miguel a enfrenta: desde e demanda cu Marcos Lifshitz, ken a demand’e pa e supuesto plagio di e cantica ‘Amarte es un placer’, e huicio ta asina complica cu a lastra mas di 17 aña y ainda no a ser resolvi.
Ademas, tambe a presenta demanda, den cual ta destaca esun cu e tabatin cu Alejandro Fernandez, despues cu el a reclama Luis Miguel pa no cumpli cu un contract pa nan haci un gira hunto.
