(DutchNews.nl) – Alrededor di un tercer parti di café y restaurant na Hulanda no ta check si clientenan tin un pase valido di coronavirus, segun un reporte di I&O Research, publica casi tres siman desde cu a introduci codigonan QR obligatorio.

Mientras codigonan QR tabata rekeri na al menos 82 porciento di teatro, cinema y sala di concierto, apenas 63 porciento di café y 68 porciento di restaurant ta check pa e pasenan, I&O a bisa.

E encuesta ta basa riba experiencianan di un muestra representativo di 2,300 adulto.

DutchNews.nl ta na altura di varios establecimento unda ta ignora e reglanan. Na Amsterdam, por ehemplo, no ta haci chekeo na e compleho hopi bishita, FoodHallen, cu tin decenas di kiosk di cuminda y tambe un bar. Banda di esaki, sinembargo, bishitantenan na e cinema si mester mustra nan codigo QR.

Rober Willemsen, presidente di cuerpo di industria di hospitalidad, KHN, a bisa den un reaccion cu el a scucha solamente reaccionnan positivo di tanto autoridadnan local como raadsbewakernan. “Pero ta parce cu bishitantenan ta experimenta cosnan di forma diferente”, el a bisa.

E encuesta aki tambe a haya cu hende, en general, tabata positivo riba uso di e pase y cu mita di esnan cu no ta vacuna y ta nenga di haci test awo ta evitando pa sali. Pero un di cada cinco a bisa cu nan ta bishita lugarnan unda nan sa no ta bay tin chekeo, y 2 porciento ta admiti di usa e pase di un otro persona.

Minister di Salud Hulandes, Hugo de Jonge, riba diaranson a confirma cu e sistema di pase ta bay ser usa probablemente despues di november, tempo cu ministernan tabata spera por a stop di us’e. E investigacion tambe ta mustra cu 36 porciento di persona di menos recurso a nenga di usa un codigo QR, compara cu apenas 4 pa 5 porciento di esnan mas afluente.

Alrededor di 86 porciento di e poblacion Hulandes a download e app CoronaCheck cu ta genera e codigonan.

LEAVE A REPLY

Please enter your comment!
Please enter your name here