(AP) – Un grupo di experto di computer y eleccion ta urgiendo Georgia su oficialnan di eleccion pa reemplasa e estado su machinnan di votacion cu ta touchscreen cu e papelnan di voto original prome cu e eleccionnan den november, citando cu tin “menasanan serio” causa pa un invasion aparente den ekiponan di voto den un di e barionan.
E 13 expertonan riba diaranson a manda un carta na e miembronan di e estado su hunta di eleccion y na Secretario di Estado Brad Raffensperger, ken ta un miembro cu no ta vota den e hunta. E ta urgi nan pa inmediatamente stop e uso di Dominion Voting Systems su machinnan pa votacion. E ta sugeri tambe pa haci un reviso post-eleccion.
E expertonan cu a manda e carta ta inclui academiconan y ex oficialnan di estado cu no ta asocia cu e esfuersonan di ex president Donald Trump y su aliadonan pa cambia e resultado di e eleccion presidencial di aña 2020.
E siguiente eleccion ta 2 luna leu. Un cambio pa papel por ser haci facilmente prome cu esaki pa motibo cu e estado su ley ta provee esaki pa usa den caso di algun emergencia, e carta ta bisa.
