Facebook ta contratando contratista pa revisa y transcribi clipnan di audio di su usuarionan, segun un reporte recien di Bloomberg. Facebook ta bisa cu a stop di uza trahadonan humano pa revisa clip di audio ‘mas cu un siman atras’, notando cu e contratistanan a wordo contrata anteriormente pa check si combersacionnan anonimisa tabata transcribi corectamente den app di Messenger.

Desde 2015, Messenger a ofrece un opcion pa transcribi clip di bos pa texto, maske e ta paga den default. Facebook ta bisa cu unicamente esunnan cu a opta pa cende e opcion a haya nan audio clip revisa pa e contratistanan. Sinembargo, segun su pagina di sosten pa cliente, hasta si un persona den bo chat a bay di acuerdo pa Facebook transcribi e combersacion, cualkier audio den e chat lo a wordo traduci, sin importa ken a mand’e.

E hallazgonan aki ta particularmente problematico mirando cu niun caminda den terminonan di servicio di Facebook ta indica cu persona lo ta revisando e audio. “Bos pa texto ta uza aprendisahe di mashin. Mas bo uza e opcion aki, mas ‘bos pa texto’ por yuda bo”, segun e pagina di sosten pa cliente.

“Facebook ta bisa cu su ‘sistemanan automaticamente ta procesa contenido y comunicacion cu abo y otronan ta provee pa analisa contexto y kico ta den nan’. E no ta menciona otro ser humano revisando e contenido”, segun Bloomberg a reporta. Facebook tambe ta identifica contratista den su terminonan di servicio unicamente como proveedonan cu ta ‘sostene nos negoshi’ door di ‘analisa con ta uza nos producto’, pero no ta bisa claramente cu ta referi na humano.

E reporte ta yega despues cu a haya cu Google, Apple, Microsoft y Amazon tur a uza contratista humano pa scucha audio obteni a traves di nan assistent di bos sin ta completamente transparente cu e usuarionan. Amazon awo ta permiti usuarionan pa scoge di no participa, mientras Google a defende su practica, bisando cu e proceso ta yuda Google Assistant opera den varios idioma. Apple, di su banda, a anuncia siman pasa cu a stop di uza contratista humano pa revisa combersacionnan cu Siri, y pronto lo permiti usuarionan pa opta di no participa.

Mientras cu teorianan di conspiracion tocante Facebook secretamente scuchando combersacionnan ta existi pa varios aña, ta importante pa nota cu e reporte di Bloomberg no ta bisando cu Facebook ta haciendo precies esey. E contratistanan tabata permiti pa scucha e audio cu algun usuario – den teoria – a duna permiso. Facebook djis no a laga cla na usuarionan exactamente ken tabata creando nan transcripcion.

 

LEAVE A REPLY

Please enter your comment!
Please enter your name here