Kylie Jenner ta documentando un sorto di biahe riba Instagram, y recientemente el a comparti un serie di potret bistiendo un shimis mientras e tabata pasa tempo pafo. Hopi fanatico inmediatamente a subi e post, pero otronan a critica e celebridad pa no duna credito na e diseñador di e shimis.

Entre e critica, Jenner a subi rednan social y a defende su mes.

Dia 6 di juli ultimo, Jenner a post dos potret cu un shimis oraño di LoudBrand Studios, cu accesorionan di bril, joyas di oro y sapato Yeezy. E potretnan a acumula 12 miyon likes, cu fanaticonan y celebridadnan elogiando e strea pa su look.

Pero otro fanaticonan a ofrece critica, pidiendo Jenner pa tag e marca, cual a ser funda y crea pa diseñador di London, Jedidiah Duyile. Su website ta bisa cu Duyile a crea e compania pa ‘produci piesanan cu ta recorda muhe di con sexy nan ta. E inspiracion principal ta un apreciacion di looks casual vintage inspira pa cuminsamento di añanan 2000 cu un twist moderno’.

Na momento cu Jenner no a reconoce e comentarionan, un usuario a subi Twitter y acusa: “Kylie Jenner ta nenga di tag e diseñador di e shimis cu el a caba di post, ken ta un marca propiedad di hende color scur.” E post aki rapidamente a acumula 90mil likes, cu centenares di hende criticando Jenner pa no tag LoudBrand Studios.

Pero otronan a sinti cu hende tabata mucho fuerte riba Jenner, argumentando cu e no ta obliga di tag e marca, mirando cu el a cumpra e shimis.

Mientras e critica tabata aumenta, Jenner a subi online pa defende su mes. El a skirbi: “Ok, esaki ta di mas. Pakico mi lo nenga di tag un marca y blokea comentarionan. Esaki ta completamente falso. Mi ta haya cu e marca aki ta increibel y mi kier a mustra sosten y mi lo sigui hacie. Tur hende bay wak.”
Den un tweet di follow-up, el a bay di acuerdo pa duna credito na mas negoshi di hende color scur bayendo dilanti.

 

LEAVE A REPLY

Please enter your comment!
Please enter your name here