Filipinas oficialmente a informa Merca cu ta terminando un pacto di siguridad cu ta permiti forsanan Mericano pa train y participa den ehercicionan conhunto na e pais.

Presidente Filipino, Rodrigo Duterte pa largo a menasa di hala leu di e aliado di su pais pa largo y bay den direccion di China.

Su secretario di Exterior a tweet cu a duna un aviso oficial riba e Acuerdo di Forsanan Bishitante, agregando cu como cortesia diplomatico, no lo duna mas declaracion.

Merca a bisa cu e movida lo tin implicacion significante pa e relacion entre ambos pais.

Luna pasa, Duterte a adverti cu e lo cancela e acuerdo despues cu Merca a revoca un visa di biahe otorga na un aliado politico. A vincula Ronald de la Rosa na e campaña den cual miles di sospechoso di traficacion di droga a ser asesina. E presidente volatil a haci varios declaracion riba e futuro rol di militar Mericano den su pais desde cu a yega na poder na 2016.

LEAVE A REPLY

Please enter your comment!
Please enter your name here