(AP) — Wendy Williams Show ta caba debi na e prolongacion di ausencia di Williams debi na su salud. Sinembargo e lo keda reemplasa pa e programa di Sherri Shepherd, segun e productornan di ambos show.
E show nobo di Sherri lo cambia di titulo y lo yama ‘Sherri Heredera’ y lo transmiti den orarionan di FOX tv cu lo pasa na e oranan cu tabata transmiti e entrevistanan na nivel nacional di Williams desde 2008, asina e productor a duna di conoce.
Mirando cu e salud di Williams no ta bon ainda, ta kere cu e miho decision cu por tuma ta pa haci e cambio aki, principalmente pa tur e fanaticonan y tambe tur e propagandanan cu ta pone nan confiansa den e show; y pa asina tambe Williams por tuma su caminda pa recuperacion.
Mort Marcus y Ira Bernstein den un oracion a bisa cu nan ta spera cu pronto nan lo por traha back cu Wendy den futuro, pero cu nan ta desea Wendy pronto recuperacion completo. Tambe e ehecutivonan a expresa nan amor y afinidad pa Wendy y admiracion pa su exito.
Despues cu a anuncia esaki, e compania a nenga di duna mas comentario riba e problemanan di salud, di cual recientemente Wendy mes no a bisa nada den publico. Sinembargo, un vocero di Williams, Howard Bragman a duna di conoce cu tabata un momento desafiantem ientras cu e tabata ocupa cu salud. Wiliams ta gradici Debmar-Mercury, Shepherd y otro personanan cu a apoya su programa.
Wiliamn conoce e realidad di television sindicalisa no por djis subi mercado y bende un programa cu lo ta kisas Wendy Show, Bragman a duna di conoce. Pero tambe ta compronde e anuncio di e compania riba nan punto di bista como empresarionan. William a duna di conoce cu si su salud mehora y cu e tin e animo pa bolbe back Television, e lo bolbe mesora.
Pa Debmar Mercury e stabilidad di e representante Shepherd ta hopi importante mirando cu lo tin varios cambio den e mundo di television y tambe cu e programa di Ellen DeGeneres ta termina e temporada aki. Asina ta cu e canal di TV tin hopi reto su dilanti pa crea mas shownan nacional pa e temporada.
Sherri Shepherd ta sumamente contento y hopi emociona cu e lo por bay cuminsa cu un propio show di entrevistanan cu ta tuma luga na New York. E lo enfoca riba su amor pa e cultura pop, farandula, entretenimento y comedia.
Awor ta haci tur e preparacionnan pa asina e show por sigui pa su temporada y e compania ta desea Wendy Williams tur exito y pronto recuperacion pa su salud.
