Fiscalia no a logra demostra procedencia di e fortuna di Gabriela Zapata, ex-pareha di presidente Evo Morales, asina  Daniel Ayala, un di investigadornan cu ta nombra  pa e caso aki,  a splica ora e  huicio a caba. E representante di ministerio publico a bisa cu den desaroyo di e proceso, autoridad a haya sa di otro nomber, cu por hiba dilanti den  un di dos huicio. Nan ta pidi un condena di 10 aña di prizon contra e muhe aki.

E investigador Ayala a solicita pa e Tribunal di Sentencia duna un condena di 10 aña di prizon na Zapata, pa acusacion di contribucion y bentaha ilegal, asociacion delictuoso y uso no legal di propiedad y servicio publico. E proceso aki ta e prome di dos acusacion contra Zapata.   Te na e momento aki, Fiscalia a presenta un acusacion (requisitor) contra Cristina Choque tambe, y despues di e acusacion aki anto entidad manera ministerio di presidencia, ministerio di husticia y otro organismonan mester bay pa presenta nan alegatonan. Despues di e fase aki, anto abogadonan di defensa lo cuminsa cu presentacion di nan derecho di replica  tambe.

Fiscalia ta traha riba  acusacion contra nan y a solicita tambe un condena di ocho aña pa Cristina Choque y di cuatro aña pa Jimmy Morales, tur dos funcionario di Unidad di Gestion Social di Bolivia.

Den e huicio ta envolvi   e empresarionan Carlo Marvin Ramirez, Ricardo Alegria, supuesto socio di e muhe ey, y Walter Zuleta,  ex-abogado di ex-gerente di CAMC Engineering Co., Ltd. (CAMCE), ken ta ser procesa pa e delito di  rebeldia.  Durante un audiencia anterior Zapata a bisa cu “e tabata sali cu algun pareha cu tabata dun’e placa”. Y asina el a logra spaar su fortuna.  E cantidad di placa cu Zapata tin den su patrimonio  ta incierto y no ta determina ainda.