(CuracaoChronicle) – Ministerio di Salud, Ambiente y Naturalesa (GMN) ta recordando operadornan di boto y jet ski cu ta prohibi pa crusa e areanan designa di landamento marca of usa e areanan aki pa nabegacion.
Como parti di esfuersonan andando pa mehora Corsou su lamanan pa ambos residente y bishitantenan, gobierno a instala zonanan designa pa landamento na varios lama. E areanan aki ta marca pa liñanan flotante, conoci localmente como “drijflijnen,” cu ta separa landadornan for di trafico maritimo.
E liñanan aki tin intencion di crea un ambiente ma safe pa medio di claramente indica unda hende por landa sin cu nan ta expone na boto of jet ski. Operadornan di nave di awa ta rekeri di respeta e fronteranan aki y evita drenta e areanan reserva.
Unidad pa maneho di medio ambiente y naturalesa, UO MNB, cual ta responsable pa e mantenemento di e instalacionnan aki di seguridad, regularmente ta ricibi keho cu boto y jet ski ta crusando e liñanan y drentando zona pa landadornan.
E agencia tambe a ricibi reportahe di botonan mara na e liñanan aki. E practica aki ta estrictamente prohibi pa motibo cu nan no ta diseña pa sostene boto y por daña, te kibra.
Ora cu e liñanan aki sufri daño, gobierno mester inverti recurso adicional pa drecha of reemplasa nan, mientras cu ta expone e landadornan na riesgo aumenta di trafico maritimo.
Segun UO MNB, boto y jet ski por drenta e areanan aki den situacion di emergencia so, manera problema cu motor of ora cu un cabuya pega den un propeller. Den e casonan aki, nan mester procede cu velocidad abao y tuma e ruta mas cortico pa yega tera.
E reglanan ta estableci bao Corsou su ordenansa maritimo.
