E grupo ambiental Smoc hunto cu Humanitaire Zorg y otro cuidadano ta buscano 75 miyon florin otro compania cu ta haci negoshi cu e refineria Isla na Corsou. Esaki awor cu e refineria mes no kier paga e multa aki.
E instituo cientifico TNO a midi cu na 2013 e refineria no a cumpli cu norma pa cu emision di sulfur dioxide. Mientrastanto tin un veredicto riba mesa desde 2010 unda hues a dicta cu por pone un multa (75 miyon maximo) pa cada aña cu ta surpasa e norma. Isla no kier paga e suma te awor. Pues e gruponan ambiental a dicidi awor pa laga deurwaarder busca e placa na otro compania manera Curacao Utilities Company. E compania aki ta suministra e refineria cu awa y coriente. Asina e gruponan ta sigui pone mas presion riba Isla pa cumpli cu e multa.
