(AFP) – Gobierno di DR Congo y e grupo arma M23 a acepta permiti entrega di sosten humanitario y libera prisoneronan dentro di 10 dia, segun un declaracion hunto publica diadomingo despues di dialogo na Suisa.
Desde 2021, e grupo M23, cu sosten di Rwanda, a confisca teritorio na Republica Democratico Congo, un region yen di mas di 30 aña di conflicto.
Ambos banda a firma un acuerdo di pas di Merca den december pero e lucha a sigui.
Dialogo cu Qatar como mediador teni na e pueblo Suiso Montreux for di dia 13 te cu 17 di april a tuma luga.
“DRC y AFC/M23 a acepta e importancia critico di garantisa asistencia humanitario cu por salba bida di pueblo den DRC,” un declaracion di ambos banda, mediador y otronan presente a bisa. “E partidonan ta acepta facilita un acceso humanitario rapido, sin impedimento, safe y sosteni.”
Ambos banda a “acepta cumpli cu tur nan obligacion bao e ley humanitario internacional, ley di derechonan humano internacional y ley di refugiado internacional, manera esaki por ser aplica. E partidonan ta acepta para cualkier accion cu lo debilita e entrega di asistencia humanitario dentro di e teritorionan cu ta impacta pa e conflicto.”
Nan a bisa cu garantisa e proteccion di ciudadanonan “ta keda un parti clave durante e conducta di hostilidadnan.”
DRC y e M23 a acepta para cualkier atake, destruccion of kita obheto indispensable na e sobrevivencia di e poblacion civil – incluyendo cuminda, cultivo, cria y suministro di awa potable, ademas di telecomunicacion y servicionan di energia, scol y hospitalnan.
Nan a priminti proteha e empleadonan humanitario, facilita e envionan di sosten y “haci nan miho esfuerso” pa evita cu lo horta for di of desvia e ayudo.
Ambos banda tambe a acepta “dentro di 10 dia libera prisoneronan.. Pa sigui crea confiansa.”
Adicionalmente, nan a firma un MoU tocante verificacion di un acuerdo pa stop combate “pa cuminsa ehecuta vigilancia, monitoreo, verificacion y reporta tocante e implementacion di un stop na e combate permanente entre e partidonan.”
M23 a haci avanse den comienso di 2025, capturando e ciudadnan grandi di Goma y Bukavu.
Dianan despues di firma e acuerdo di paz, e grupo arma a confisca otro ciudad grandi, Uvira, na e frontera cu Burundi, provocando un respuesta rabia for di Merca.
Mientras cu a rechasa ofrece M23 sosten militar, Rwanda ta insisti cu e ta enfrenta un menasa existencial for di e presencia di DRC of gruponan arma conecta na e genocidio di Rwanda den 1994 di Tutsinan.
E dialogo na Montreux a uni representantenan for di gobierno di DRC y for di M23 y su brasa politico, Alliance Fleuve Congo (AFC).
Nan tabata uni pa representantenan di Qatar, Merca, Suisa, e comision di e Union Africano y Togo como e mediador.
“E partidonan ta comprometi na mantene e momentum den e proceso aki di paz,” segun e declaracion di ambos partido hunto a informa.
